​ភ្នំពេញ÷ ខណៈដែលរាជរដ្ឋាភិបាលកម្ពុជាកំពុងតែរឹតបន្តឹង និងចាត់វិធានការក្តៅគគុកក្នុងការលុបបំបាត់ល្បែងស៊ីសងគ្រប់ប្រភេទដើម្បីពង្រឹងសន្តិសុខសង្គម បែរជាមាន «ដំបៅមហារីក» មួយកន្លែង កំពុងកើតឡើងយ៉ាងអនាធិបតេយ្យនៅចំកណ្តាលបេះដូងរាជធានីភ្នំពេញ។ នោះគឺទីតាំងល្បែងស៊ីសងហ្គេមបាញ់ត្រីខុសច្បាប់ និងល្បែងស៊ីសងជាច្រើនប្រភេទទៀត ដែលកំពុងបើកដំណើរការអូសទាញក្រុមអ្នកញៀនល្បែងឱ្យចូលលេងយ៉ាងពពាក់ពពូននៅជាន់ទី៣ នៃផ្សារទំនើបលំដាប់អន្តរជាតិ អ៊ីអន១ ស្ថិតក្នុងសង្កាត់ទន្លេបាសាក់ ខណ្ឌចំការមន។ អ្វីដែលធ្វើឱ្យមហាជនហួសចិត្តបំផុតនោះគឺ វត្តមានល្បែងស៊ីសងដ៏ធំនេះ បែរជាអាចដំណើរការទៅបានយ៉ាងរលូន ដោយគ្មានការរំខានពីអាជ្ញាធរ និងសមត្ថកិច្ចមូលដ្ឋានបន្តិចសោះឡើយ។​ប្រភពព័ត៌មានពីប្រជាពលរដ្ឋ ក៏ដូចជាអាជីវករដែលរកស៊ីលក់ដូរនៅក្នុងផ្សារទំនើបអ៊ីអន១ បានទម្លាយឱ្យដឹងថា ទីតាំងល្បែងស៊ីសងខុសច្បាប់នៅជាន់ទី៣ នោះ បានដុះស្លែទៅហើយ ដោយមានមនុស្សម្នាចម្រុះវ័យ ទាំងក្មេង ទាំងចាស់ ស្រី ប្រុស ចូលទៅប្រមូលផ្តុំគ្នាភ្នាល់ចាក់លុយយ៉ាងគគ្រឹកគគ្រេងទាំងយប់ទាំងថ្ងៃ។ ការណ៍នេះបានបង្កើតជាសំណួរចាក់ដោតមួយទៅកាន់អាជ្ញាធរខណ្ឌចំការមនថា៖ ” តើភ្នែកអាជ្ញាធរមើលមិនឃើញ ឬមួយក៏ត្រូវថ្នាំសណ្ដំអ្វីទើបបានជារក្សាភាពស្ងៀមស្ងាត់ដូចចោរលួចចម្លងបែបនេះ “។​សកម្មភាពបណ្តោយឱ្យល្បែងស៊ីសងដុះស្លែក្នុងទឹកដីខណ្ឌចំការមននេះ ត្រូវបានគេមើលឃើញថា ជាការផ្គើនយ៉ាងចំហទៅនឹងបទបញ្ជាដ៏ម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត Read more

​ខេត្តកោះកុង÷ករណីគ្រោះធម្មជាតិដ៏រន្ធត់មួយបានកើតឡើងនៅលើផ្ទៃសមុទ្រនៃខេត្តកោះកុង ដោយសារតែខ្យល់កន្ត្រាក់និងរលកបោកបក់ខ្លាំង បណ្តាលឱ្យលិចទូកនេសាទមួយគ្រឿង។ ក្រោយការបាត់ខ្លួនអស់រយៈពេលមួយយប់ ពេលនេះសាកសពរបស់ជនរងគ្រោះ ដែលជាតៃកុងទូក និងជាម្ចាស់ទូកផងនោះ ត្រូវបានរកឃើញហើយ។​តាមប្រភពព័ត៌មានពី លោក ទេស ឈាន មេប៉ុស្តិ៍រដ្ឋបាលឃុំថ្មស និងលោក ជាង កៀក មេប៉ុស្តិ៍នគរបាលជើងទឹក បានឱ្យដឹងថា ហេតុការណ៍លិចទូកនេះបានកើតឡើងកាលពីវេលាម៉ោង ៧:៤០ នាទីព្រឹក ថ្ងៃទី១២ ខែកក្កដា ឆ្នាំ២០២៦។ លុះមកដល់វេលាម៉ោង ១១:៤៥ នាទីថ្ងៃត្រង់ ថ្ងៃទី១៣ ខែកក្កដា ឆ្នាំ២០២៦ នេះ ទើបប្រជានេសាទនិងសមត្ថកិច្ចបានរួមគ្នាស្វែងរក និងស្រង់សាកសពជនរងគ្រោះឡើងមកគោកវិញ។​សពជនរងគ្រោះត្រូវបានស្គាល់អត្តសញ្ញាណមានឈ្មោះ អួក ផេង ភេទប្រុស អាយុ ៣៤ ឆ្នាំ មានទីលំនៅក្នុងភូមិថ្មស ឃុំថ្មស Read more

​ខេត្តបន្ទាយមានជ័យ÷ ជនសង្ស័យចំនួន ០២នាក់ ត្រូវបានកម្លាំងការិយាល័យព្រហ្មទណ្ឌ នៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បញ្ជូនទៅកាន់សាលាដំបូងខេត្ត នៅរសៀលថ្ងៃអាទិត្យ ទី១២ ខែកក្កដា ឆ្នាំ២០២៦ នេះ ដើម្បីអនុវត្តតាមនីតិវិធីច្បាប់ ពាក់ព័ន្ធករណីរំលោភលើទំនុកចិត្ត (ល្បិចខ្ចីម៉ូតូយកទៅលក់) និងប្រើប្រាស់ដោយខុសច្បាប់នូវសារធាតុញៀន។​យោងតាមរបាយការណ៍ពីសមត្ថកិច្ចបានឱ្យដឹងថា កាលពីថ្ងៃទី១១ ខែកក្កដា ឆ្នាំ២០២៦ មូលដ្ឋានកងរាជអាវុធហត្ថក្រុងសិរីសោភ័ណ បានទទួលពាក្យបណ្តឹងពីជនរងគ្រោះឈ្មោះ ចាន់ ភត្រា ភេទប្រុស អាយុ៣១ឆ្នាំ រស់នៅភូមិព្រៃទទឹង ឃុំភ្នំតូច ស្រុកមង្គលបូរី ខេត្តបន្ទាយមានជ័យ។ ជនរងគ្រោះបានប្ដឹងរាយការណ៍ពីករណីរំលោភលើទំនុកចិត្ត ដែលបង្កឡើងដោយជនសង្ស័យឈ្មោះ តាន់ ផែល ភេទប្រុស អាយុ២៧ឆ្នាំ រស់នៅភូមិ-ឃុំជាមួយគ្នា។​មុនពេលកើតហេតុ ជនសង្ស័យបានប្រើល្បិចសុំប្រាក់ និងខ្ចីម៉ូតូរបស់ជនរងគ្រោះ ម៉ាក ហុងដាឌ្រីម (Honda Read more

ខេត្តបន្ទាយមានជ័យ÷ក្រោមបទបញ្ជាផ្ទាល់ និងការដឹកនាំយ៉ាងម៉ឺងម៉ាត់ពី លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ និងមានការសម្របសម្រួលនីតិវិធីពី ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត កម្លាំងអាវុធហត្ថបានបង្ហាញពីការឆ្លើយតបយ៉ាងរហ័ស និងមានប្រសិទ្ធភាពខ្ពស់ ក្នុងការបង្ក្រាបករណីទុច្ចរិតភ្លាមៗ ដើម្បីការពារសន្តិសុខ និងទំនុកចិត្តរបស់វិនិយោគិនក្នុងតំបន់។ដំណើររឿង និងការឃាត់ខ្លួន លលឿលទាន់ចិត្ត ​ហេតុការណ៍ដ៏ភ្ញាក់ផ្អើលនេះ បានកើតឡើងកាលពីយប់ថ្ងៃទី១១ ខែកក្កដា ឆ្នាំ២០២៦ នៅចំណុចក្រុមហ៊ុន «ប៉ាងណាគ្រី» ដែលមានទីតាំងស្ថិតក្នុងភូមិអូរអំពិល ឃុំទួលពង្រ ស្រុកម៉ាឡៃ។ ក្រុមកល្យាណមិត្តទុច្ចរិតមួយក្រុមមានគ្នា ៣នាក់ បានធ្វើសកម្មភាពសម្រុកចូលទៅក្នុងបរិវេណក្រុមហ៊ុនក្នុងបំណងលួចគាស់កកាយយកទ្រព្យសម្បត្តិ។​ទោះជាយ៉ាងណា ផែនការរបស់ពួកគេត្រូវរលាយដូចអំបិលត្រូវទឹក ដោយសារភាពវៃឆ្លាត និងការប្រុងប្រយ័ត្នខ្ពស់របស់សន្តិសុខក្រុមហ៊ុន ដែលបានខិតខំយាមកាមយ៉ាងម៉ឺងម៉ាត់ រហូតព័ទ្ធចាប់បានជនសង្ស័យម្នាក់ទាន់ហន់ ខណៈបក្ខពួក ២នាក់ទៀតបានរត់គេចខ្លួនបាត់ស្រមោល។អត្តសញ្ញណជនសង្ស័យ÷ឈ្មោះ ធៀម វណ្ណី (ហៅ Read more

​ខេត្តពោធិ៍សាត់÷ វិធានការក្តៅក្នុងការទប់ស្កាត់និងបង្ក្រាបបទល្មើសធនធានធម្មជាតិនៅតែបន្តធ្វើឡើងយ៉ាងសកម្ម។ ជាក់ស្តែងកាលពីថ្ងៃសៅរ៍ ១២រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែកក្កដា ឆ្នាំ២០២៦ លោកនាយខណ្ឌរដ្ឋបាលជលផលពោធិ៍សាត់ បានដឹកនាំក្រុមការងារ រួមមាន នាយផ្នែករដ្ឋបាលជលផលក្រគរ និងនាយសង្កាត់រដ្ឋបាលជលផលកំពង់លួង សហការយ៉ាងជិតស្និទ្ធជាមួយគណៈបញ្ជាការឯកភាពស្រុកក្រគរ។​ប្រតិបត្តិការរួមគ្នានេះ ដឹកនាំដោយលោក គឺ គឹមណូ អភិបាលរងនៃគណៈអភិបាលស្រុកក្រគរ, លោក កុល ចាន់ដារ៉ា នាយសេនាធិការតំបន់ប្រតិបត្តិការសឹករងពោធិ៍សាត់ និងកងរាជអាវុធហត្ថស្រុកក្រគរ ដោយបានប្រើប្រាស់កម្លាំងសរុបចំនួន ១៦ នាក់ និងកាណូតចំនួន ៤ គ្រឿង ដើម្បីចុះល្បាត ត្រួតពិនិត្យ និងបង្ក្រាបបទល្មើសនេសាទយ៉ាងក្តៅគគុក ចាប់ពីចំណុចមុខកំពង់លួង រហូតដល់មុខភូមិកំពង់ថ្គោល ស្ថិតក្នុងឃុំអន្សាចំបក់ ស្រុកក្រគរ ខេត្តពោធិ៍សាត់។​ជាលទ្ធផលនៅក្នុងបេសកកម្មដ៏មានសារៈសំខាន់នេះ Read more

​ខេត្តបាត់ដំបង÷ អនុវត្តតាមអនុសាសន៍ដ៏ខ្ពង់ខ្ពស់របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នៅថ្ងៃទី១២ ខែកក្កដា ឆ្នាំ២០២៦ នេះ ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយមនុស្សធម៌សង្គ្រោះបន្ទាន់ ផ្តល់ជូនប្រជាពលរដ្ឋដែលរងគ្រោះដោយសារបាតុភូតខ្យល់កន្ត្រាក់ចំនួន ២៣គ្រួសារ មកពីភូមិចំនួន២ ក្នុងឃុំពេជ្រចិន្តា ស្រុកភ្នំព្រឹក។​នាឱកាសនោះ ឯកឧត្តម សុខ លូ បានពាំនាំនូវការផ្ដាំផ្ញើសាកសួរសុខទុក្ខ ប្រកបដោយក្ដីនឹករលឹក អាណិតអាសូរ និងសោកស្តាយជាទីបំផុតពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់គ្រួសាររងគ្រោះទាំងអស់។​ឯកឧត្តមប្រធានសាខាខេត្ត បានបញ្ជាក់ថា ទុក្ខលំបាករបស់ប្រជាពលរដ្ឋគ្រប់រូប គឺជាក្តីកង្វល់ជានិច្ចរបស់ថ្នាក់ដឹកនាំ។ Read more

ខេត្តតាកែវ÷ក្រោមការយកចិត្តទុកដាក់ខ្ពស់លើសុខទុក្ខ និងការបម្រើសេវាសាធារណៈជូនប្រជាពលរដ្ឋ ថ្នាក់ដឹកនាំនៃស្នងការដ្ឋាននគរបាលខេត្តតាកែវ បានចុះដោះស្រាយ និងបំភ្លឺជុំវិញការយល់ច្រឡំមួយលើការផ្តល់អត្តសញ្ញាណប័ណ្ណសញ្ជាតិខ្មែរ ដោយបង្ហាញពីភាពហ្មត់ចត់ និងការទទួលខុសត្រូវខ្ពស់ក្នុងនាមជាអ្នកបម្រើរាស្ត្រ។​ជាការឆ្លើយតបទៅនឹងមតិលើកឡើង (Comment) នៅក្នុងទំព័រហ្វេសប៊ុកផ្លូវការរបស់ស្នងការដ្ឋាននគរបាលខេត្តតាកែវ ពីសំណាក់ម្ចាស់គណនីឈ្មោះ ខេត សុក្រាន(Khet Sokran) ដែលត្រូវជាពលករកំពុងបម្រើការងារនៅប្រទេសជប៉ុន ជុំវិញការរអ៊ូរទាំថាសមត្ថកិច្ចបង្កកទុកអត្តសញ្ញាណប័ណ្ណរបស់ខ្លួនមិនព្រមប្រគល់ជូន។​ភ្លាមៗបន្ទាប់ពីទទួលបានព័ត៌មាននេះ នៅព្រឹកថ្ងៃសៅរ៍ ទី១១ ខែកក្កដា ឆ្នាំ២០២៦ លោកវរសេនីយ៍ឯក សុខ រដ្ឋា ស្នងការរងទទួលផែនអត្តសញ្ញាណកម្ម សហការជាមួយលោកអធិការរងស្រុកត្រាំកក់ បានអញ្ជើញស្ត្រីជាប្រពន្ធរបស់លោក ខេត សុក្រាន មកធ្វើការជួបជុំ ពិភាក្សា និងដោះស្រាយផ្ទាល់។ កការបំភ្លឺការពិតជុំវិញនីតិវិធីបច្ចេកទេស ​ឆ្លងតាមការស្រាវជ្រាវ និងប្រមូលព័ត៌មានយ៉ាងលម្អិត សមត្ថកិច្ចបានបង្ហាញថា ករណីនេះមិនមែនជាកំហុស ឬការយឺតយ៉ាវបង្កកទុកដោយចេតនារបស់មន្ត្រីជំនាញនោះឡើយ។ តាមពិតទៅ ការធ្វើអត្តសញ្ញាណប័ណ្ណសញ្ជាតិខ្មែរ គឺមានបែបបទ និងនីតិវិធីបច្ចេកទេសជាច្រើនដំណាក់កាលដែលត្រូវអនុវត្តន៍។ Read more

​ខេត្តបាត់ដំបង÷ធនធានធម្មជាតិ និងប្រព័ន្ធអេកូឡូស៊ីដ៏មានតម្លៃនៃតំបន់ជុំវិញបឹងទន្លេសាប កំពុងតែដកដង្ហើមញកញ័រ និងរងការគំរាមកំហែងយ៉ាងធ្ងន់ធ្ងរ ក្រោយពីប្រជាពលរដ្ឋនៅក្នុងឃុំតាមឺន ស្រុកថ្មគោល ខេត្តបាត់ដំបង បានទម្លាយព័ត៌មានមកថា មានក្រុមឈ្មួញមានអំណាច និងទឹកប្រាក់ កំពុងបញ្ជាគ្រឿងចក្រខ្នាតធំ ចូលកាប់បំផ្លាញ វាយកម្ទេចព្រៃលិចទឹក និងឈូសឆាយទន្ទ្រានយកដីរដ្ឋនៅក្នុងតំបន់ ២ និងតំបន់ ៣ ធ្វើជាកម្មសិទ្ធិឯកជនយ៉ាងក្រអើតក្រទម និងចំហបំផុត។​យោងតាមប្រភពច្បាស់ការណ៍ និងការលើកឡើងប្រកបដោយក្តីបារម្ភពីប្រជាពលរដ្ឋនៅក្នុងមូលដ្ឋានបានឱ្យដឹងថា សកម្មភាពយាយីលើដីព្រៃលិចទឹកដ៏មានតម្លៃ ដែលជាជម្រកមច្ឆជាតិពងកូននេះ មិនមែនទើបតែនោះទេ ពោលគឺត្រូវបានក្រុមឈ្មួញធ្វើសកម្មភាពជាបន្តបន្ទាប់។ ការយកគ្រឿងចក្រមកវាយព្រៃ និងរៀបចំដីធ្លីដើម្បីកាន់កាប់ជាសម្បត្តិបុគ្គលបែបនេះ មិនត្រឹមតែជាទង្វើខុសច្បាប់ទាំងបំពានប៉ុណ្ណោះទេ ប៉ុន្តែវាកំពុងតែបំផ្លិចបំផ្លាញផលប្រយោជន៍សាធារណៈរបស់ប្រជាជាតិទាំងមូលយ៉ាងធ្ងន់ធ្ងរ។​សកម្មភាពឈូសឆាយយ៉ាងគគ្លើននេះ បានបង្កើតជាសញ្ញាសួរ និងមន្ទិលសង្ស័យយ៉ាងធំធេងនៅក្នុងចិត្តរបស់ប្រជាពលរដ្ឋ ក៏ដូចជាមហាជនទូទៅថា៖” តើអាជ្ញាធរមូលដ្ឋានថ្នាក់ស្រុកនិងសមត្ថកិច្ចជំនាញពាក់ព័ន្ធដែលមានភ្នែកជាម្ចាស់ ពិតជាមិនបានដឹងពីសកម្មភាពបំភ្លេចបំផ្លាញនេះមែនឬឬមួយក៏ដឹងហើយ​ តែសម្ងំធ្វើមិនដឹង បើកដៃឲ្យក្រុមឈ្មួញ ធ្វើព្យុះភ្លៀងតាមចិត្តដើម្បី លាភសក្ការៈផ្ទាល់ខ្លួន?”​មហាជន ក៏ដូចជាប្រជាពលរដ្ឋម្ចាស់ស្រុក បានសម្តែងការហួសចិត្តជាខ្លាំង ព្រោះខណៈពេលដែលរាជរដ្ឋាភិបាលថ្នាក់ជាតិ Read more

​ខេត្តបាត់ដំបង÷ នៅក្នុងយុទ្ធនាការលើកកម្ពស់សក្តានុពលទេសចរណ៍កសិកម្ម និងការផ្សព្វផ្សាយផលិតផលក្នុងស្រុក នាព្រឹកថ្ងៃទី១១ ខែកក្កដា ឆ្នាំ២០២៦ នេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ រួមជាមួយ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះបំពេញទស្សនកិច្ចដោយផ្ទាល់នៅតាមចម្ការផ្លែឈើ ក្នុងភូមិសាស្ត្រស្រុកសំឡូត។​ក្នុងឱកាសដកពិសោធន៍ជាក់ស្តែងនោះ ថ្នាក់ដឹកនាំទាំងពីរស្ថាប័នបានអញ្ជើញជួបសំណេះសំណាលយ៉ាងស្និទ្ធស្នាលជាមួយបងប្អូនកសិករជាម្ចាស់ចម្ការ ព្រមទាំងបានស្វែងយល់ពីស្ថានភាពទូទៅនៃការដាំដុះ ជាពិសេស «ដំណាំទុរេន» ដែលជាស្តេចផ្លែឈើមានកេរ្តិ៍ឈ្មោះល្បីល្បាញ និងជាផលិតផលដែលមានសក្តានុពលសេដ្ឋកិច្ចខ្ពស់បំផុតប្រចាំតំបន់ស្រុកសំឡូត។​ដំណើរទស្សនកិច្ចផ្លូវការនេះ ធ្វើឡើងក្នុងគោលបំណងយុទ្ធសាស្ត្រ ដើម្បីចូលរួមផ្សព្វផ្សាយ និងលើកស្ទួយវិស័យទេសចរណ៍បែបកសិកម្ម ក្នុងខេត្តបាត់ដំបង។ ឯកឧត្តមរដ្ឋមន្ត្រី និងឯកឧត្តមអភិបាលខេត្ត បានបង្ហាញការប្តេជ្ញាចិត្តក្នុងការប្រែក្លាយតំបន់កសិកម្មឈានមុខមួយនេះ ឱ្យទៅជាគោលដៅទេសចរណ៍ដ៏ទាក់ទាញ បង្កើតចំណូលបន្ថែមជូនប្រជាពលរដ្ឋមូលដ្ឋាន តាមរយៈការទាក់ទាញភ្ញៀវទេសចរជាតិ និងអន្តរជាតិ ឱ្យមកកម្សាន្ត និងបេះភ្លក្សផ្លែឈើស្រស់ៗដល់ចម្ការ។​សកម្មភាពនេះមិនត្រឹមតែជួយជំរុញទីផ្សារកសិផលខ្មែរប៉ុណ្ណោះទេ ប៉ុន្តែថែមទាំងរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចបៃតង ប្រកបដោយចីរភាពសម្រាប់ខេត្តបាត់ដំបងទាំងមូលផងដែរ៕ សម្រួលអត្ថបទ÷ដោយ Read more

​ខេត្តកំពង់ស្ពឺ÷នៅក្នុងយុទ្ធនាការប្រយុទ្ធប្រឆាំងគ្រឿងញៀនខុសច្បាប់យ៉ាងក្តៅគគុក កម្លាំងសមត្ថកិច្ចជំនាញនៃស្នងការដ្ឋាននគរបាលខេត្តកំពង់ស្ពឺ បានបើកប្រតិបត្តិការវាយឆ្មក់យ៉ាងជោគជ័យ ដោយបានបង្ក្រាប និងឃាត់ខ្លួនមេខ្លោងជួញដូរគ្រឿងញៀនដ៏សកម្មចំនួន ២នាក់ ដែលត្រូវជាប្តីប្រពន្ធនឹងគ្នា ព្រមទាំងរឹបអូសបានគ្រឿងញៀនក្នុងបរិមាណដ៏ច្រើនសន្ធឹកសន្ធាប់ជាង ១០គីឡូក្រាម រួមនឹងឧបករណ៍កែច្នៃ និងអាវុធមួយចំនួនទៀត។​ប្រតិបត្តិការដ៏មុតស្រួច និងប្រកបដោយវិជ្ជាជីវៈខ្ពស់នេះ បានធ្វើឡើងកាលពីថ្ងៃទី៦ ខែកក្កដា ឆ្នាំ២០២៦ កន្លងទៅនេះ នៅចំណុចភូមិក្រាំងពង្រ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។អត្តសញ្ញាណជនសង្ស័យ​យោងតាមរបាយការណ៍ពីសមត្ថកិច្ចនគរបាលជំនាញ បានឱ្យដឹងថា ជនសង្ស័យទាំង ២នាក់ប្តីប្រពន្ធដែលត្រូវឃាត់ខ្លួន រួមមាន៖ឈ្មោះ វង់ ស៊ីថា ហៅ ញ៉ាញ់ ភេទប្រុស អាយុ ៣៥ឆ្នាំ (ជាប្តី)ឈ្មោះឯមស្រីនាង ភេទស្រី អាយុ ៣៥ឆ្នាំ (ជាប្រពន្ធ)​អ្នកទាំងពីរមានទីលំនៅបច្ចុប្បន្ននៅភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ។​នៅក្នុងកិច្ចប្រតិបត្តិការបង្ក្រាបបទល្មើសជាក់ស្តែងនេះ សមត្ថកិច្ចបានត្រួតពិនិត្យ Read more