​(បាត់ដំបង)៖ ថ្ងៃទី១១ ខែកុម្ភៈ ឆ្នាំ២០២៦ លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង បានអញ្ជើញដឹកនាំកិច្ចប្រជុំពង្រឹងការងារសន្តិសុខ និងសណ្តាប់ធ្នាប់សាធារណៈ ដល់កងកម្លាំងនគរបាលការពារព្រំដែន និងអធិការដ្ឋាននគរបាលស្រុក ជាប់ព្រំដែន ដើម្បីឆ្លើយតបទៅនឹងស្ថានភាពបច្ចុប្បន្ន។​កិច្ចប្រជុំនេះបានធ្វើឡើងនៅទីបញ្ជាការវរសេនាតូចនគរបាលការពារព្រំដែនគោកលេខ ៨១៧ ក្នុងស្រុកសំពៅលូន ដោយមានការចូលរួមពីវរសេនាតូចទាំង៤ និងអធិការដ្ឋាននគរបាល ស្រុកសំពៅលូន ស្រុកភ្នំព្រឹក និងស្រុកកំរៀង។​ខ្លឹមសារសំខាន់ៗនៃកិច្ចប្រជុំ​ លោកស្នងការបានពាំនាំនូវការសួរសុខទុក្ខ និងការនឹករលឹកយ៉ាងជ្រាលជ្រៅពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ជូនដល់កងកម្លាំងជួរមុខទាំងអស់។ថ្នាក់ដឹកនាំបានស្តាប់របាយការណ៍ និងកោតសរសើរចំពោះស្មារតីទទួលខុសត្រូវខ្ពស់របស់កងកម្លាំង ដែលបានខិតខំបំពេញភារកិច្ចការពារបូរណភាពទឹកដី និងសុវត្ថិភាពជូនប្រជាពលរដ្ឋនាពេលកន្លងមក។​ការរុញការអនុវត្តបទបញ្ជា និងផែនការជាតិ៖ សង្កត់ធ្ងន់លើការត្រួតពិនិត្យ និងជម្រុញការអនុវត្ត បទបញ្ជាលេខ ០១ និង ០៣ របស់រាជរដ្ឋាភិបាល Read more

​(បាត់ដំបង)៖ អនុវត្តតាមការណែនាំដ៏ខ្ពង់ខ្ពស់របស់ លោកឧត្ដមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង កាលពីថ្ងៃពុធ ទី១១ ខែកុម្ភៈ ឆ្នាំ២០២៦ ម្សិលមិញនេះ លោកវរសេនីយ៍ទោ ហេង បារាំង អធិការនគរបាលស្រុកបាណន់ បានដឹកនាំកម្លាំងប៉ុស្ដិ៍នគរបាលរដ្ឋបាលទាំង ៨ ចុះអនុវត្តវិធានការរឹតបន្តឹងសន្តិសុខសណ្តាប់ធ្នាប់។​ក្នុងសកម្មភាពនេះ កម្លាំងសមត្ថកិច្ចបានចុះផ្សព្វផ្សាយផ្ទាល់ដល់អាជីវករក្នុងមូលដ្ឋានស្រុកបាណន់ ដោយផ្តោតលើចំណុចសំខាន់ៗរួមមាន៖​ការបញ្ឈប់ការលក់ដូរ និងដុតផាវ៖ ណែនាំឱ្យអាជីវករបញ្ឈប់ការលក់ដូរផាវគ្រប់ប្រភេទ និងហាមឃាត់រាល់ការដុតផាវ ដែលបង្កឱ្យមានសំឡេងរំខាន និងប៉ះពាល់ដល់សន្តិសុខសណ្តាប់ធ្នាប់សាធារណៈ។ ​ការផ្តល់លេខទូរស័ព្ទទំនាក់ទំនង៖ កម្លាំងជំនាញបានផ្តល់លេខទូរស័ព្ទសម្រាប់ទំនាក់ទំនងបន្ទាន់ជូនដល់អាជីវករ ដើម្បីងាយស្រួលក្នុងការរាយការណ៍ ឬផ្តល់ព័ត៌មានជុំវិញសកម្មភាពមិនប្រក្រតីផ្សេងៗ។​កិច្ចសហការបង្ការបទល្មើស៖ជំរុញឱ្យមានការចូលរួមចំណែកពីបងប្អូនអាជីវករ ក្នុងការរាយការណ៍រាល់បទល្មើសគ្រប់ប្រភេទ ដើម្បីឱ្យសមត្ថកិច្ចចុះបង្ក្រាបបានទាន់ពេលវេលា។​យុទ្ធនាការនេះ ធ្វើឡើងក្នុងគោលបំណងធានាបាននូវសុវត្ថិភាពជូនប្រជាពលរដ្ឋ និងទប់ស្កាត់រាល់សកម្មភាពបង្កអសន្តិសុខក្នុងមូលដ្ឋានស្រុកបាណន់ឱ្យកាន់តែមានប្រសិទ្ធភាពខ្ពស់៕ ដោយ ចិត្រា ប្រម៉ាញ់ជាយដែន

​បាត់ដំបង៖ កាលពីថ្ងៃពុធ ទី១១ ខែកុម្ភៈ ឆ្នាំ២០២៦ លោកវរសេនីយ៍ទោ ហេង បារាំង អធិការនគរបាលស្រុកបាណន់ បានដឹកនាំកិច្ចប្រជុំផ្សព្វផ្សាយផែនការ ដល់កងកម្លាំងទូទាំងអធិការដ្ឋាន និងប៉ុស្តិ៍នគរបាលរដ្ឋបាលទាំងអម។​កិច្ចប្រជុំនេះ​ អនុវត្តតាមផែនការណែនាំ៖ របស់ស្នងការដ្ឋាននគរបាលខេត្តបាត់ដំបង ក្នុងការគ្រប់គ្រងសភាពការណ៍សន្តិសុខ បង្កើនការយកចិត្តទុកដាក់ការពារសុវត្ថិភាពជូនបងប្អូនប្រជាពលរដ្ឋ ក្នុងឱកាសពិធីបុណ្យចូលឆ្នាំថ្មីប្រពៃណីជនជាតិចិន-វៀតណាម ដែលនឹងឈានចូលមកដល់។​ត្រៀមលក្ខណៈកម្លាំង៖ ដើម្បីបង្ការ និងទប់ស្កាត់រាល់បទល្មើសផ្សេងៗ ក៏ដូចជាសម្រួលចរាចរណ៍នៅតាមគោលដៅសំខាន់ៗក្នុងភូមិសាស្ត្រស្រុកបាណន់។​ក្នុងឱកាសនោះ លោកអធិការបានផ្ដាំផ្ញើដល់កងកម្លាំងទាំងអស់ ត្រូវយកចិត្តទុកដាក់ខ្ពស់លើការងារជំនាញ និងត្រូវមានវត្តមានប្រចាំការ ដើម្បីឆ្លើយតបបានទាន់ពេលវេលា រាល់សំណូមពររបស់ប្រជាពលរដ្ឋ។ ដោយមុត ចិត្រា ប្រម៉ាញ់ជាយដែន

​[ខេត្តបាត់ដំបង]៖ អនុវត្តតាមបទបញ្ជាយ៉ាងម៉ឺងម៉ាត់ពីសំណាក់ លោកវរសេនីយ៍ទោ ទឹមវិឆ័យ អធិការនគរបាលស្រុកសំពៅលូន កម្លាំងប៉ុស្តិ៍នគរបាលរដ្ឋបាលនៃអធិការដ្ឋាននគរបាលស្រុកសំពៅលូន បានបន្តចុះបេសកកម្មសម្រួលចរាចរណ៍ជូនដល់សិស្សានុសិស្សនៅតាមគ្រឹះស្ថានសិក្សាផ្សេងៗក្នុងមូលដ្ឋាន។​សកម្មភាពនេះត្រូវបានធ្វើឡើងជាប្រចាំ ដោយឡែកនៅព្រឹកថ្ងៃទី ១១ ខែកុម្ភៈ ឆ្នាំ២០២៦ កម្លាំងសមត្ថកិច្ចបានបង្ហាញវត្តមាននៅតាមដងផ្លូវមុខសាលារៀន ដើម្បី៖​ជួយសម្រួលឱ្យក្មួយៗសិស្សានុសិស្សឆ្លងកាត់ផ្លូវ និងចេញពីសាលារៀនដោយសុវត្ថិភាពបំផុត។ រៀបចំសណ្ដាប់ធ្នាប់យានយន្តនៅមុខច្រកចេញ-ចូលសាលា ដើម្បីជៀសវាងការស្ទះចរាចរណ៍ដែលបង្កការរំខានដល់អ្នកដំណើរផ្សេងទៀត។ ​លើកកម្ពស់សីលធម៌ចរាចរណ៍៖ ជាការបង្ហាញនូវគំរូដ៏ល្អ និងការយកចិត្តទុកដាក់របស់មន្ត្រីនគរបាលចំពោះសុខមាលភាពសហគមន៍ ជាពិសេសស្រទាប់យុវវ័យដែលជាទំពាំងស្នងឫស្សី។​អាណាព្យាបាលសិស្ស ក៏ដូចជាមហាជនក្នុងស្រុកសំពៅលូន បានសម្តែងនូវការត្រេកអរ និងកោតសរសើរដល់កម្លាំងនគរបាលដែលតែងតែលះបង់កម្លាំងកាយចិត្ត ចុះជួយសម្រួលការធ្វើដំណើររបស់កូនចៅពួកគេជារៀងរាល់ថ្ងៃ ទោះបីស្ថិតក្នុងស្ថានភាពអាកាសធាតុបែបណាក៏ដោយ។​សកម្មភាពនេះមិនត្រឹមតែជួយកាត់បន្ថយគ្រោះថ្នាក់ចរាចរណ៍ប៉ុណ្ណោះទេ ប៉ុន្តែថែមទាំងជួយពង្រឹងចំណងមិត្តភាពរវាងសមត្ថកិច្ច និងប្រជាពលរដ្ឋក្នុងមូលដ្ឋានឱ្យកាន់តែជិតស្និទ្ធថែមទៀតផង។

​(បាត់ដំបង)៖ កាលពីព្រឹកថ្ងៃទី៩ ខែកុម្ភៈ ឆ្នាំ២០២៦ លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូន បានដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងដាក់ចេញទិសដៅការងារបន្ត ដោយមានការចូលរួមពីថ្នាក់ដឹកនាំអធិការដ្ឋាន នាយផ្នែក និងនាយប៉ុស្តិ៍នគរបាលរដ្ឋបាលទូទាំងស្រុក។​កិច្ចប្រជុំនេះធ្វើឡើងស្របតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងយោបល់ណែនាំផ្ទាល់ពី លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង ដើម្បីពង្រឹងប្រសិទ្ធភាពការងារសន្តិសុខក្នុងមូលដ្ឋាន។​ លោកអធិការបានប្រគល់វិទ្យុទាក់ទងចំនួន ២០ គ្រឿង ជូនដល់លោកអធិការរង នាយផ្នែក និងនាយប៉ុស្តិ៍ ដើម្បីបង្កើនល្បឿនក្នុងការទំនាក់ទំនង និងដោះស្រាយបញ្ហានានាជូនប្រជាពលរដ្ឋបានទាន់ពេលវេលា។ ក្រោយបញ្ចប់កិច្ចប្រជុំ លោកអធិការបានចាត់តាំងកម្លាំងផ្នែកសណ្តាប់ធ្នាប់ ចុះរៀបចំសណ្តាប់ធ្នាប់នៅចំណុចសំខាន់ៗ រួមមាន ផ្លូវបំបែកត្រាក់ទ័រចាស់ និង ផ្សារបុរីស្រីសុប៉ិន។​ការអប់រំ និងការណែនាំ៖ កម្លាំងសមត្ថកិច្ចបានចុះអប់រំដល់អាជីវករ Read more

​ភ្នំពេញ÷កម្លាំងសមត្ថកិច្ចបានបង្ក្រាប និងឃាត់ខ្លួនជនសង្ស័យជាជនជាតិចិនម្នាក់ ជាបន្តបន្ទាប់ក្រោយករណីផ្ទុះអាវុធផ្អើលក្រុងភ្នំពេញ កាលពីយប់មិញ ថ្ងៃទី១០ ខែកុម្ភៈ ឆ្នាំ២០២៦ វេលាម៉ោងប្រហែល ៧:៥០ យប់។​ទីតាំងកើតហេតុ៖ នៅចំណុចមុខអគារ The Peak (ផ្លូវក្រសួងការបរទេស) សង្កាត់ទន្លេបាសាក់ ខណ្ឌចំការមន រាជធានីភ្នំពេញ។​ ជនសង្ស័យបានដកកាំភ្លើងបាញ់ទៅលើស្រ្តីរងគ្រោះម្នាក់ ខណៈកំពុងស្ថិតក្នុងរថយន្ត Prius បណ្ដាលឱ្យរងរបួសធ្ងន់ រួចក៏បើករថយន្តរត់គេចខ្លួនបាត់ស្រមោល។ ​ក្រោយទទួលបញ្ជាយ៉ាងម៉ឺងម៉ាត់ កម្លាំងជំនាញបានស្រាវជ្រាវយ៉ាងក្តៅគគុក រហូតឈានដល់ការឃាត់ខ្លួនជនសង្ស័យបាននៅចំណុច សណ្ឋាគារ DV ក្រុងព្រះសីហនុ ខេត្តព្រះសីហនុ។​អត្តសញ្ញាណជនសង្ស័យ៖​ឈ្មោះ៖ ZHOU HAO RAN ភេទប្រុស អាយុ ២៥ ឆ្នាំ។​សញ្ជាតិ៖ ចិន (គ្មានលិខិតឆ្លងដែនជាប់ខ្លួន)។​ស្ថានភាព៖ ពិនិត្យឃើញមាន សារធាតុញៀន Read more

​បាត់ដំបង៖ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានបើកប្រតិបត្តិការចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀន ក្នុងបទល្មើសជាក់ស្ដែង ដោយឃាត់ខ្លួនជនសង្ស័យបានចំនួន ៥នាក់ រួមជាមួយវត្ថុតាងជាច្រើន។​​ប្រតិបត្តិការនេះបានធ្វើឡើងនៅថ្ងៃទី១០ ខែកុម្ភៈ ឆ្នាំ២០២៦ វេលាម៉ោង ១៤:០០នាទី ស្ថិតនៅចំណុចក្រុមទី១០ ភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង។​​ជនសង្ស័យទាំង ៥នាក់ ដែលត្រូវបានឃាត់ខ្លួន រួមមាន៖​ឈ្មោះ រ័ត្ន បូរី (ហៅតក់) ភេទប្រុស អាយុ ២៩ឆ្នាំ (ស្នាក់នៅភូមិអូរតាគាំ២)។​ឈ្មោះ ស្រុឺ ភីសារ ភេទប្រុស អាយុ ៣៤ឆ្នាំ (ស្នាក់នៅភូមិអូរតាគាំ២)។​ឈ្មោះ អុិន ស្រីមុី (ហៅយួន) ភេទស្រី អាយុ ៤៦ឆ្នាំ Read more