​បន្ទាយមានជ័យ៖ ក្រោមស្មារតីយកចិត្តទុកដាក់ខ្ពស់លើសុខសុវត្ថិភាពរបស់ប្រជាពលរដ្ឋ និងការអនុវត្តច្បាប់ឱ្យមានប្រសិទ្ធភាព នៅព្រឹកថ្ងៃទី២៤ ខែកុម្ភៈ ឆ្នាំ២០២៦នេះ លោកវរសេនីយ៍ឯក បេន សំអាត អធិការនគរបាលស្រុកម៉ាឡៃ បានដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ ដើម្បីពិនិត្យមើលវឌ្ឍនភាព និងដាក់ចេញនូវទិសដៅការងារបន្តសម្រាប់ពង្រឹងសន្តិសុខក្នុងមូលដ្ឋាន។​​ក្នុងកិច្ចប្រជុំនេះ មានការអញ្ជើញចូលរួមពីសំណាក់ លោក-លោកស្រី អធិការរង នាយផ្នែក នាយប៉ុស្តិ៍ និងមន្ត្រីពាក់ព័ន្ធសរុបចំនួន ៣១ នាក់ (ស្រី ០៤ នាក់)។ វត្តមានរបស់កងកម្លាំងទាំងអស់ បានបង្ហាញពីសាមគ្គីភាពផ្ទៃក្នុងយ៉ាងរឹងមាំ និងការប្តេជ្ញាចិត្តខ្ពស់ក្នុងការបំពេញភារកិច្ចជូនអង្គភាព និងសង្គមជាតិ។​ការលើកទឹកចិត្ត​ថ្លែងក្នុងឱកាសនោះលោកវរសេនីយ៍ឯក បេនសំ អាត បានថ្លែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងទាំងអស់ ដែលបានលះបង់កម្លាំងកាយចិត្តការពារសុខសន្តិភាពជូនប្រជាពលរដ្ឋនាពេលកន្លងមក។ លោកបានសង្កត់ធ្ងន់ថា នគរបាលត្រូវតែ៖​ គោរពច្បាប់ បទបញ្ជាផ្ទៃក្នុង និងបទបញ្ជារបស់ថ្នាក់ដឹកនាំឱ្យបានម៉ឺងម៉ាត់។​ អនុវត្តតួនាទីភារកិច្ចដោយឈរលើមនសិការស្នេហាជាតិ និងមាតុភូមិជាធំ។​រក្សាឥរិយាបថសមរម្យក្នុងនាមជាអ្នកបម្រើប្រជាពលរដ្ឋយ៉ាងពិតប្រាកដ។​ទិសដៅការងារយុទ្ធសាស្ត្រ​ដើម្បីធានាបាននូវសន្តិសុខសណ្តាប់ធ្នាប់ឱ្យកាន់តែរឹងមាំ លោកអធិការបានដាក់ចេញនូវផែនការសកម្មភាពដល់ប៉ុស្តិ៍នគរបាលរដ្ឋបាលទាំង ៦ Read more

​ស្ទឹងត្រែង÷ក្រោមការបញ្ជាផ្ទាល់ពីសំណាក់ ឯកឧត្តម សរ សុពុត្រា អភិបាលខេត្តស្ទឹងត្រែង ព្រមទាំងមានការសម្របសម្រួលនីតិវិធីពី ឯកឧត្តម កែវសុធា ព្រះរាជអាជ្ញាអមសាលាដំបូងខេត្ត កម្លាំងនគរបាលជំនាញបានបើកប្រតិបត្តិការបង្ក្រាបករណីគ្រឿងញៀនទ្រង់ទ្រាយធំមួយ។​កាលពីថ្ងៃទី២៣ ខែកុម្ភៈ ឆ្នាំ២០២៦ កម្លាំងជំនាញដឹកនាំដោយ លោកឧត្តមសេនីយ៍ទោ សារី បុត្រសត្យា ស្នងការនគរបាលខេត្តស្ទឹងត្រែង បានចុះបង្ក្រាបជាក់ស្ដែងនូវករណីដឹកជញ្ជូនសារធាតុញៀនខុសច្បាប់ឆ្លងដែនពីប្រទេសឡាវ ចូលមកកម្ពុជា នៅចំណុចចន្លោះបង្គោលព្រំដែនលេខ ០៣៤/១ ក្នុងភូមិសាស្ត្រឃុំអូរស្វាយ ស្រុកបុរីអូរស្វាយសែនជ័យ។​​ជាលទ្ធផលនៃប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន ៣នាក់៖​១.ឈ្មោះខឿនឡុំភេទប្រុស អាយុ ៣៨ឆ្នាំ (កសិករ រស់នៅខេត្តស្ទឹងត្រែង)។​ ២.ឈ្មោះនៅ វិសិទ្ធភេទប្រុស អាយុ ៣៦ឆ្នាំ (ជាងឡាន រស់នៅខេត្តក្រចេះ)។ បញ្ជាក់ជននេះមានដីកាចាប់ខ្លួនចំនួន ៣ រួចជាស្រេចពីនៅខេត្តក្រចេះ និង មួយនៅខេត្តមណ្ឌលគិរី។ Read more

​បាត់ដំបង ៖ ក្នុងស្មារតី “រួមសុខ រួមទុក្ខ” និងមិនបោះបង់ប្រជាពលរដ្ឋណាម្នាក់ចោលក្នុងគ្រាមានអាសន្ន នារសៀលថ្ងៃទី២៤ ខែកុម្ភៈ ឆ្នាំ២០២៦  លោក ហមសំខាន់ អភិបាលនៃគណៈអភិបាលស្រុកសំពៅលូន បានបង្ហាញនូវសកម្មភាពមនុស្សធម៌យ៉ាងគួរឱ្យគោរព ដោយបានដឹកនាំមន្ត្រីរាជការចុះដោយផ្ទាល់ ដើម្បីជួយសាងសង់ជម្រក និងនាំយកស្បៀងអាហារ ថវិកា ក៏ដូចជាសម្ភារសំណង់ ជូនដល់គ្រួសាររងគ្រោះ។ ​ស្ថិតក្នុងទឹកមុខស្រស់ស្រាយ និងភាពស្និទ្ធស្នាល លោកអភិបាលស្រុកបានចុះទៅដល់ភូមិទឹកថ្លា ឃុំអង្គរបាន ដើម្បីសួរសុខទុក្ខ និងផ្ដល់ជំនួយដល់ លោក បូរសុគុន ដែលជាម្ចាស់ផ្ទះរងគ្រោះដោយសារគ្រាប់ផ្លោង កាលពីអំឡុងខែធ្នូ ឆ្នាំ២០២៥ កន្លងទៅ។ អំណោយដែលត្រូវបានប្រគល់ជូនរួមមាន៖​អង្ករ ចំនួន ២០ គីឡូក្រាមថវិកា ចំនួន ២០០,០០០ រៀល​ស័ង្កសីចំនួន ២១ សន្លឹក Read more

​ខេត្តតាកែវ៖ ក្រោមការដឹកនាំបញ្ជាយ៉ាងម៉ឺងម៉ាត់ពីសំណាក់ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពី ឯកឧត្តម ឯក ឆេង ហួត ព្រះរាជអាជ្ញាអមសាលាដំបូងខេត្ត កម្លាំងជំនាញបានបន្តបើកប្រតិបត្តិការបង្ក្រាបបទល្មើសគ្រឿងញៀនយ៉ាងសកម្ម ដើម្បីពង្រឹងសន្តិសុខជូនប្រជាពលរដ្ឋ។​កាលពីវេលាម៉ោង ១៣:៥០នាទី ថ្ងៃទី២៤ ខែកុម្ភៈ ឆ្នាំ២០២៦ កម្លាំងមន្ទីរស្រាវជ្រាវ និងបង្ក្រាបបទល្មើស ដឹកនាំដោយ លោកអនុ សេនីយ៍ឯក ជួនតូរ:ត:នាយការិយាល័យប្រឆាំងគ្រឿងញៀន បានចុះប្រតិបត្តិការបង្ក្រាបករណី រក្សាទុក ជួញដូរ និងប្រើប្រាស់នូវសារធាតុញៀនជាក់ស្ដែង នៅចំណុចលើទួលខាងកើតភូមិ ស្ថិតក្នុងភូមិសំរោង ឃុំត្រឡាច ស្រុកទ្រាំង ខេត្តតាកែវ។​​ជាលទ្ធផល កម្លាំងជំនាញបានធ្វើការឃាត់ខ្លួនជនសង្ស័យចំនួន ០១នាក់៖​ឈ្មោះ គួយ សាខនភេទប្រុស អាយុ ២៦ឆ្នាំ (មុខរបរមិនពិតប្រាកដ) មានទីលំនៅភូមិត្រពាំងទន្លេរ Read more

ភ្នំពេញ÷នៅថ្ងៃទី ២៥ ខែកុម្ភៈឆ្នាំ២០២៦ខណៈដែលរាជរដ្ឋាភិបាលកំពុងខិតខំប្រមូលចំណូលពន្ធដើម្បីអភិវឌ្ឍជាតិ បែរជាមានការទម្លាយចេញនូវភាពមិនប្រក្រតីដ៏ធំមួយ ពាក់ព័ន្ធនឹងការអនុវត្តច្បាប់របស់មន្ត្រីគយចល័តតំបន់ ៣ ក្រោមការគ្រប់គ្រងរបស់លោក ហង្សវណ្ណ ប្រភពពីបណ្តាញសង្គម និងអាជីវករបានរាយការណ៍ព្រមៗគ្នាថា តំបន់ស្រែអំបិល និងវាលរេញ បានក្លាយជា “ប៉ុស្តិ៍ត្រួតពិនិត្យសេដ្ឋកិច្ចបុគ្គល” ច្រើនជាងការបម្រើផលប្រយោជន៍រដ្ឋ។​​ការកំណត់តម្លៃលើក្បាលឡាន ឡានកុងតឺន័រមួយគ្រឿងត្រូវបានគេរាយការណ៍ថាត្រូវបង់ចន្លោះពី ២៥០ទៅ៣០០ ដុល្លារ ជាថ្នូរនឹងការឆ្លងកាត់ ខណៈរថយន្តដឹកទំនិញតូចតាច (សាំយ៉ុង) ត្រូវបង់ពី ១៥ម៉ឺន ទៅ៣០ម៉ឺនរៀល ដោយគ្មានវិក្កយបត្រត្រឹមត្រូវ។​ប្រភពបានអះអាងថា ក្នុងចំណោមទំនិញដែលត្រូវបង់ពន្ធ មានតែប្រមាណ ២០% ប៉ុណ្ណោះដែលចូលថវិការដ្ឋ ចំណែកឯ ៨០%ទៀតទំនងជាត្រូវរលាយចូលក្នុងប្រព័ន្ធ “យោគយល់” ក្រៅផ្លូវការ។​ច្រករបៀងទំនិញគេចពន្ធតំបន់ ទំនប់រលកនិងស្ទឹងហាវ ទំនប់រលកឃុំនិងស្ទឹងហាវត្រូវបានគេដៅឈ្មោះថាជាច្រកដ៏សំខាន់សម្រាប់ទំនិញគេចពន្ធ ក្នុងខេត្តព្រះសីហនុ ប៉ុន្តែមន្ត្រីគយចល័តតំបន់ ៣ បែរជាមើលរំលង រហូតមានការសង្ស័យថាជាការ “សម្ងំប្រមូលលុយស្រង់ដើម”។ការផាកពិន័យតាមអំពើចិត្តដែលគ្មានតម្លាភាព (ចន្លោះពី Read more

​ខេត្តកំពង់ធំ៖ ខណៈដែលរាជរដ្ឋាភិបាលអាណត្តិទី៧ កំពុងដុតដៃដុតជើងក្នុងការការពារធនធានធម្មជាតិ ផ្ទុយទៅវិញ បទល្មើសនេសាទខុសច្បាប់តាមរយៈរូបភាព “ហ៊ុំសម្រាស់” កំពុងកើតមានយ៉ាងពេញបន្ទុកនៅក្នុងភូមិសាស្ត្រស្ទឹងសែន ក្នុងស្រុកកំពង់ស្វាយ ដោយគ្មានការរំខានពីមន្ត្រីជំនាញឡើយ។​តាមការចុះយកព័ត៌មានផ្ទាល់របស់ក្រុមអ្នកសារព័ត៌មានយើង នៅរសៀលថ្ងៃទី២៤ ខែកុម្ភៈ ឆ្នាំ២០២៦នេះ បានរកឃើញទីតាំងបទល្មើសជាក់ស្តែងនៅចំណុច អន្លង់តាផ្លុង់ ក្នុងឃុំកំពង់គោ និងចំណុចក្នុង ឃុំក្តីដួង ស្រុកកំពង់ស្វាយ ខេត្តកំពង់ធំ។ រូបភាពដែលក្រុមការងារថតបាន បង្ហាញពីការហ៊ុំព័ទ្ធសម្រាស់យ៉ាងអនាធិបតេយ្យ ដែលជាការបំផ្លិចបំផ្លាញពូជត្រីយ៉ាងធ្ងន់ធ្ងរ។ ​ការលើកឡើងរបស់ប្រជាពលរដ្ឋក្នុងមូលដ្ឋាន ដែលសុំមិនបញ្ចេញឈ្មោះបានលួចខ្សឹបប្រាប់ថា៖ ការចុះបង្ក្រាបកន្លងមកហាក់បីដូចធ្វើឡើងក្នុងរូបភាពជ្រើសរើសមុខសញ្ញា។ ប្រភពដដែលបន្តថា មន្ត្រីចុះទៅបង្ក្រាបតែទីតាំងណាដែលម្ចាស់មិនទាន់បាន “ជួប” សម្របសម្រួលជាមួយជំនាញជាមុនប៉ុណ្ណោះ ចំណែកអ្នកដែលបាន “ជួប” រួចរាល់ គឺអាចបន្តសកម្មភាពហ៊ុំសម្រាស់បានដោយរលូន និងមានសុវត្ថិភាព។ ​ប្រសិនបើការលើកឡើងនេះជាការពិត វាគឺជាការអនុវត្តច្បាប់តាមបែប “ស្តង់ដារពីរ” ឬ “ការណាត់ជួបជាមុន” ដែលផ្ទុយស្រឡះពីបទបញ្ជារបស់រាជរដ្ឋាភិបាល Read more

​(កំពង់ធំ)៖ ក្រោមការដឹកនាំប្រកបដោយស្មារតីទទួលខុសត្រូវខ្ពស់ និងយល់ដឹងពីសុខទុក្ខរបស់ប្រជាពលរដ្ឋក្នុងមូលដ្ឋាន ឯកឧត្តម ហេង សុផលស្នងការនគរបាលខេត្តកំពង់ធំ បានដាក់ចេញនូវបទបញ្ជាយ៉ាងម៉ឺងម៉ាត់ ឱ្យផ្អាក និងបញ្ឈប់រាល់ការដាក់គោលដៅត្រួតពិនិត្យចរាចរណ៍នៅតាមបណ្តាផ្លូវលំក្នុងខេត្ត ដែលទង្វើនេះបានបង្ហាញពីវិជ្ជាជីវៈខ្ពស់ក្នុងនាមជាអ្នកបម្រើរាស្ត្រ។ ​យោងតាមការបញ្ជាក់ផ្ទាល់របស់ឯកឧត្តមស្នងការ បានឱ្យដឹងថា កន្លងមកថ្នាក់ដឹកនាំពុំដែលចេញគោលការណ៍ឱ្យមានការដាក់គោលដៅត្រួតពិនិត្យចរាចរណ៍នៅលើផ្លូវលំនោះឡើយ។ សកម្មភាពនេះ បង្ហាញឱ្យឃើញពីការយកចិត្តទុកដាក់ចំពោះជីវភាព និងការធ្វើដំណើររបស់បងប្អូនប្រជាពលរដ្ឋតាមជនបទ ដើម្បីចៀសវាងការបង្កការរំខានដែលមិនចាំបាច់។ ​លើសពីនេះទៅទៀត ឯកឧត្តម ហេងសុផល ស្នងការបានសង្កត់ធ្ងន់លើចំណុចសំខាន់ៗចំនួន ២៖​ការចុះអនុវត្តការងាររបស់មន្ត្រីនៅតាមតំបន់ខ្លះ គឺត្រូវធ្វើឡើងក្នុងគោលបំណងផ្សព្វផ្សាយ ចែកខិត្តប័ណ្ណ និងណែនាំច្បាប់ចរាចរណ៍ ដើម្បីបង្កើនការយល់ដឹង។​លោកបានបញ្ជាក់យ៉ាងច្បាស់ថា ការចុះជួបពលរដ្ឋលើដងផ្លូវលំ គឺដើម្បី «អប់រំ» តែប៉ុណ្ណោះ មិនមែនដើម្បី «ផាកពិន័យ» យកថវិកានោះទេ។ ​ទង្វើប្រកបដោយគុណធម៌ និងភាពឆ្លាតវៃរបស់ឯកឧត្តមស្នងការ ត្រូវបានមហាជនចាត់ទុកថាជា គំរូនៃមន្ត្រីនគរបាលយុត្តិធម៌ ដែលមិនត្រឹមតែរឹតបន្តឹងច្បាប់ដើម្បីសុវត្ថិភាពប៉ុណ្ណោះទេ ប៉ុន្តែថែមទាំងចេះបត់បែនតាមស្ថានភាពជាក់ស្តែង ដើម្បីការពារផលប្រយោជន៍ និងក្តីសុខសាន្តរបស់ប្រជាពលរដ្ឋក្នុងខេត្តកំពង់ធំទាំងមូលផងដែរ។ដោយសំនៀង

​ត្បូងឃ្មុំ៖ ប្រជាពលរដ្ឋរស់នៅក្នុងឃុំមេមត់ ស្រុកមេមត់ កំពុងសម្តែងការមិនពេញចិត្ត និងដាក់ការសង្ស័យជាខ្លាំង ចំពោះចំណាត់ការរបស់អាជ្ញាធរ និងសមត្ថកិច្ចមូលដ្ឋាន បន្ទាប់ពីទីតាំងល្បែងស៊ីសងជល់មាន់ដ៏ធំមួយកន្លែង បានបើកដំណើរការយ៉ាងគ្រហឹមជារៀងរាល់ថ្ងៃអស់រយៈពេលជាច្រើនខែមកហើយ ប៉ុន្តែពុំមានការចុះបង្ក្រាបទាល់តែសោះ។ ​តាមប្រភពពីប្រជាពលរដ្ឋក្នុងមូលដ្ឋានបានឱ្យដឹងថា ទីតាំងល្បែងជល់មាន់ដុះស្លែនេះ បានអូសទាញមនុស្សម្នាមកពីគ្រប់ទិសទីឱ្យមកប្រមូលផ្តុំគ្នា លេងភ្នាល់ចាញ់ឈ្នះយ៉ាងពុះកញ្ជ្រោល។ ការណ៍នេះបានបង្កជាក្តីបារម្ភយ៉ាងខ្លាំងដល់សន្តិសុខសណ្តាប់ធ្នាប់ ជាពិសេសខ្លាចកើតមាននូវអំពើចោរកម្ម អំពើហិង្សាក្នុងគ្រួសារ និងបទល្មើសផ្សេងៗ ដែលផ្ទុយស្រឡះពីគោលនយោបាយ ភូមិ ឃុំ សង្កាត់ មានសុវត្តិភាព របស់រាជរដ្ឋាភិបាល។ ហេតុអ្វីបានជាទីតាំងល្បែងដ៏ធំបែបនេះ អាចឈរជើងបានយ៉ាងរឹងមាំជាច្រើនខែ? តើលោកអភិបាលស្រុក និងលោកអធិការនគរបាលស្រុកមេមត់ ពិតជាមិនដឹង ឬមាន “ខ្នងបង្អែក” ក្រាស់ទើបមិនហ៊ានប៉ះពាល់?​អាស្រ័យហេតុនេះ ប្រជាពលរដ្ឋក្នុងស្រុកមេមត់ សូមលើកម្រាមដៃដប់ សំណូមពរយ៉ាងទទូចដល់៖​លោកឧត្តមសេនីយ៍ទោចិន នី ស្នងការនគរបាលខេត្តត្បូងឃ្មុំ​លោកឧត្តមសេនីយ៍ត្រី រត្ន័ ចាន់ណាមេបញ្ជាការកងរាជអាវុធហត្ថខេត្តត្បូងឃ្មុំ​មេត្តាជួយដាក់បញ្ជាឱ្យកម្លាំងជំនាញ ចុះស្រាវជ្រាវ និងបង្ក្រាបទីតាំងល្បែងស៊ីសងខាងលើនេះដោយកណ្តាប់ដៃដែក Read more

កំពង់ធំះ   នាថ្ងៃទី២៤ខែកុម្ភៈឆ្នាំ២០២៦ លោក សាយគឹមឡម អភិបាលស្រុកស្ទោង បានអញ្ជើញចូលរួម និងតាមដានការអនុវត្ត យុទ្ធនាការចាក់វ៉ាក់សាំងការពារជំងឺសារទឹកនិងអុតក្តាគោ–ក្របី ដែលដឹកនាំដោយក្រុមការងារជំនាញនៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ធំ នៅ ភូមិបុសតាឯកឃុំទ្រាស្រុកស្ទោងខេត្តកំពង់ធំ។ យុទ្ធនាការនេះ មានគោលដៅសំខាន់ក្នុងការកាត់បន្ថយហានិភ័យជំងឺឆ្លងលើសត្វពាហនៈ ពិសេសជំងឺសារទឹក និងអុតក្តាម ដែលអាចប៉ះពាល់ដល់សុខភាពសត្វ បង្កឱ្យខាតបង់ទ្រព្យសម្បត្តិ និងប៉ះពាល់ដល់ជីវភាពប្រជាពលរដ្ឋ ហើយការចាក់វ៉ាក់សាំងជាប្រចាំ ត្រូវបានចាត់ទុកថា ជាវិធានការបង្ការដែលមានប្រសិទ្ធភាព និងចំណាយតិចជាងការព្យាបាលពេលជំងឺផ្ទុះឡើង។ តាមការរាយការណ៍ ចាន់ បញ្ញាវ័ន្ត ប្រធានការិយាល័យផលិតកម្ម និងបសុជាព្យាបាលខេត្តកំពង់ធំ បានចុះចាក់វ៉ាក់សាំងសរុបលើសត្វគោចំនួន១៥០ក្បាល និងក្របីចំនួន៣ក្បាល ដោយធ្វើការចាក់ជូនម្ចាស់សត្វនៅមូលដ្ឋាន និងបានផ្តល់ការណែនាំអំពីការថែទាំបន្ទាប់ពីចាក់វ៉ាក់សាំង ការរក្សាអនាម័យកន្លែងចិញ្ចឹម និងការប្រុងប្រយ័ត្នចំពោះរោគសញ្ញាសង្ស័យលើសត្វ ដើម្បីរាយការណ៍ឱ្យជំនាញអន្តរាគមន៍ទាន់ពេលវេលា។ ក្នុងឱកាសនេះ លោក សាយគឹមឡម Read more

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានចេញសារពាក់ព័ន្ធប្រពៃណីបុកល័ក្តក្នុងពិធីអាពាហ៍ពិពាហ៍ខ្មែរទាំងយប់ ព្រោះមិនចង់ឃើញទំនាស់រវាងខ្មែរ និងខ្មែរ-ឥស្លាមកាន់តែរីកធំ ដោយសម្តេចប្រដូចទៅនឹងពាក្យមួយឃ្លាថា «មិនចង់បិទក្រោលសេះ ពេលសេះចេញផុតពីក្រោល»។ ក្នុងរយៈពេលប៉ុន្មានថ្ងៃមកនេះ លើបណ្តាញសង្គមកំពុងជជែក និងមានទស្សនៈច្រើនពាក់ព័ន្ធប្រពៃណីបុកល័ក្តក្នុងពិធីអាពាហ៍ពិពាហ៍ខ្មែរពាក់ព័ន្ធតួអង្គខ្មែរឥស្លាម។ ក្នុងនោះបងប្អូនខ្មែរឥស្លាមមួយចំនួនបានប្រតិកម្មទៅលើការសម្តែងរបស់តួអង្គខ្មែរឥស្លាមក្នុងពិធីហាក់ឆ្គាំឆ្គង ឬប្រមាថដល់បងប្អូនខ្មែរឥស្លាម។ សម្តេចតេជោ បានបញ្ជាក់តាមហ្វេសប៊ុកថា នៅម៉ោង២ទៀបភ្លឺថ្ងៃ២៤ ខែកុម្ភៈ ឆ្នាំ២០២៦ នៅពេលសម្តេចចូលទស្សនាកម្មវិធីចម្រៀងគ្រួសារខ្មែរ សម្តេចបានឃើញការបំភ្លឺរបស់អ្នកនាង ខាត់ សុឃីម និងសេចក្តីអំពាវនាវរបស់ក្រសួងវប្បធម៍ និងវិចិត្រសិល្បៈទាក់ទងដល់វិធីបុកល័ក្ដក្នុងពិធីអាពាហ៍ពិពាហ៍ខ្មែរដែលទាក់ទងដល់បងប្អូនខ្មែរឥស្លាម។ សម្តេចតេជោ បានស្នើបងប្អូនខ្មែរឥស្លាមស្វែងយល់ឱ្យបានច្បាស់នូវចំណុចនេះ ព្រោះជាបញ្ហាប្រពៃណីទំនៀមទម្លាប់យូរលង់មកហើយ។ សម្តេចតេជោ បន្តថា ក្នុងឈុតឆាកទៀតសោតពុំមានចំណុចណាជាការប្រមាថ ឬមើលងាយមើលថោកនោះទេ តែផ្ទុយទៅវិញមានខ្លឹមសារសុីជម្រៅខ្លាំងណាស់លើបញ្ហាសាមគ្គីភាពជាតិសាសន៍និងសាសនា។ បងប្អូនឥស្លាម បានជួយដល់បងប្អូនខ្មែរ ដែលទៅរកល័ក្ដនៅពេលឆ្លងទឹក។ «សម្រាប់ខ្ញុំតាំងពីធំដឹងក្តីមក ខ្ញុំតែងទៅចូលរួមបុកល័ក្តសម្រាប់អ្នកស្គាល់គ្នានិងបន្តមកទៀតខ្ញុំរៀបការកូន៥នាក់ Read more