​​ខេត្តតាកែវ៖ ដោយមានការចង្អុលបង្ហាញពី លោកឧត្តមសេនីយ៍ទោ ស្នងការនគរបាលខេត្តតាកែវ និងដោយមានការយកចិត្តទុកដាក់ខ្ពស់ពីសំណាក់ លោក អ៊ុំ ចំរើន អភិបាលនៃគណៈអភិបាលស្រុកទ្រាំង នាព្រឹកថ្ងៃទី១០ ខែកុម្ភៈ ឆ្នាំ២០២៦ លោកវរសេនីយ៍ទោ កប សេម អធិការនគរបាលស្រុកទ្រាំង បានដឹកនាំក្រុមការងារជំនាញ ចុះពិនិត្យ និងជំរុញសកម្មភាពផ្តល់សេវាអត្តសញ្ញាណកម្មជូនប្រជាពលរដ្ឋដល់មូលដ្ឋាន ស្ថិតក្នុងឃុំអង្កាញ់ ស្រុកទ្រាំង។​សកម្មភាពសំខាន់ៗក្នុងបេសកកម្ម៖​ការផ្តល់សេវាផ្ទាល់៖ ពិនិត្យការបំពេញបែបបទធ្វើអត្តសញ្ញាណប័ណ្ណសញ្ជាតិខ្មែរ និងការផ្តល់សព្វុធថ្មីជូនបងប្អូនប្រជាពលរដ្ឋ។​ការសំណេះសំណាល៖ លោកអធិការបានជួបសួរសុខទុក្ខ និងស្វែងយល់ពីតម្រូវការចាំបាច់របស់ប្រជាពលរដ្ឋ ពាក់ព័ន្ធនឹងការប្រើប្រាស់សេវាសាធារណៈ ដូចជា៖ អត្តសញ្ញាណប័ណ្ណ សៀវភៅស្នាក់នៅ និងសៀវភៅគ្រួសារ។​ការផ្ដាំផ្ញើដល់មន្ត្រីជំនាញ៖ ក្នុងឱកាសនោះ លោកអធិការបានណែនាំយ៉ាងម៉ឺងម៉ាត់ដល់ផ្នែកជំនាញអត្តសញ្ញាណកម្មស្រុក និងប៉ុស្តិ៍នគរបាលរដ្ឋបាលទាំងអស់ ត្រូវយកចិត្តទុកដាក់ខ្ពស់លើការបម្រើសេវាជូនពលរដ្ឋ ដោយត្រូវធានាឱ្យបាននូវភាពរហ័ស ទាន់ពេលវេលា និងប្រកបដោយក្រមសីលធម៌។​សកម្មភាពនេះ បានបង្ហាញពីការយកចិត្តទុកដាក់របស់ថ្នាក់ដឹកនាំ ក្នុងការបង្ខិតសេវាសាធារណៈឱ្យកាន់តែជិតប្រជាពលរដ្ឋ ដើម្បីបង្កលក្ខណៈងាយស្រួលក្នុងជីវភាពរស់នៅ និងការប្រើប្រាស់តាមតម្រូវការច្បាប់ផ្សេងៗ។ដោយ វង់សុខរដ្ឋា

​(បន្ទាយមានជ័យ)៖ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី សុខ ឡេង បានបើកប្រតិបត្តិការបង្ក្រាបករណីជួញដូរ រក្សាទុក និងប្រើប្រាស់គ្រឿងញៀន ព្រមទាំងកាន់កាប់អាវុធដោយខុសច្បាប់ ដោយឃាត់ខ្លួនជនសង្ស័យសរុបចំនួន ១៦នាក់ កាលពីថ្ងៃទី០៧ ខែកុម្ភៈ ឆ្នាំ២០២៦ នៅចំណុចផ្លូវឡើងសកលវិទ្យាល័យ UME ភូមិភ្នំកន្ទួត។​វត្ថុតាងដែលដកហូតបានរួមមាន៖​គ្រឿងញៀន៖ ប្រភេទម្ស៉ៅក្រាមសថ្លា (ICE) ១២ថង់ (ទម្ងន់ ២០,៧៤ក្រាម) និងថ្នាំគ្រាប់ពណ៌ក្រហម (WY) ០៦គ្រាប់។​អាវុធ៖ កាំភ្លើងស្នប់កែច្នៃ ០៣ដើម និងកាំបិតស្នៀត ០១ដើម។​សម្ភារៈផ្សេងៗ៖ ម៉ូតូ ០៦គ្រឿង, ទូរស័ព្ទ ០៩គ្រឿង និងឧបករណ៍ប្រើប្រាស់គ្រឿងញៀនមួយចំនួន។​ក្រោយការសាកសួរ ជនសង្ស័យទាំងអស់បានឆ្លើយសារភាពថា ពួកខ្លួនពិតជាបានប្រព្រឹត្តបទល្មើសខាងលើពិតប្រាកដមែន។ ប្រតិបត្តិការនេះធ្វើឡើងក្រោមការបញ្ជាផ្ទាល់ពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត។​បច្ចុប្បន្ន៖ ជនសង្ស័យ និងវត្ថុតាង ត្រូវបានបញ្ជូនទៅកាន់សាលាដំបូងខេត្តបន្ទាយមានជ័យ នៅព្រឹកថ្ងៃទី១០ ខែកុម្ភៈ Read more

​បាត់ដំបង៖ បង្កឱ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋ និងសមត្ថកិច្ច បន្ទាប់ពីបានរកឃើញសាកសពបុរសម្នាក់ ដែលគេសង្ស័យថាជាជនរងគ្រោះក្នុងករណីគ្រោះថ្នាក់ចរាចរណ៍ ហើយត្រូវបានភាគីខាងរថយន្តបង្ក យកសាកសពទៅកប់ចោល និងលាក់ម៉ូតូទុក ដើម្បីបិទបាំងការពិត។​​ហេតុការណ៍ដ៏រន្ធត់នេះ បានកើតឡើង និងបង្កការភ្ញាក់ផ្អើលនៅព្រឹក ថ្ងៃទី ១១ ខែកុម្ភៈ ឆ្នាំ ២០២៦ ស្ថិតនៅចំណុចផ្លូវហៃវេ ក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។ ​តាមប្រភពព័ត៌មានបឋមពីកន្លែងកើតហេតុ បានឱ្យដឹងថា៖ ​គេសង្ស័យថាជាករណីគ្រោះថ្នាក់ចរាចរណ៍រវាង រថយន្តស៊ីណា (Sienna) និង ម៉ូតូ មួយគ្រឿង។ ក្រោយកើតហេតុ ជនបង្កមិនត្រឹមតែមិនឈប់ទទួលខុសត្រូវនោះទេ ប៉ុន្តែបែរជាមានចិត្តសាហាវឃោរឃៅ ដោយបានយកសាកសពជនរងគ្រោះទៅកប់ចោលក្នុងបំណងបំបាត់ភស្តុតាង  ចំណែកឯម៉ូតូរបស់ជនរងគ្រោះ ក៏ត្រូវបានគេសែងយកទៅលាក់ទុកនៅកន្លែងផ្សេង ដើម្បីកុំឱ្យសមត្ថកិច្ចតាមដានរកឃើញ។​ការពិនិត្យ និងចំណាត់ការសមត្ថកិច្ច​នៅព្រឹកថ្ងៃដដែលនេះ កម្លាំងសមត្ថកិច្ចជំនាញបានចុះទៅដល់ទីតាំងកើតហេតុ ដើម្បីធ្វើការពិនិត្យសាកសព និងជុំវិញកន្លែងដែលជនបង្កបានលាក់ទុកភស្តុតាង។ បច្ចុប្បន្ន សមត្ថកិច្ចកំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីកំណត់អត្តសញ្ញាណជនបង្ក និងស្វែងរកចាប់ខ្លួនមកផ្ដន្ទាទោសតាមច្បាប់។

​រាជធានីភ្នំពេញ៖ មានការភ្ញាក់ផ្អើលមួយបានកើតឡើង កាលពីព្រឹកព្រលឹមថ្ងៃទី១០ ខែកុម្ភៈ ឆ្នាំ២០២៦នេះ បន្ទាប់ពីមានករណីបុរសម្នាក់បានធ្វើសកម្មភាពចូលទៅលួចបីក្មេងស្រីម្នាក់ចេញពីមុង ក្នុងខណៈពេលដែលកុមារីរងគ្រោះកំពុងដេកលង់លក់ជាមួយឪពុក នៅម្ដុំរង្វង់មូលគល់ស្ពានជ្រោយចង្វារ។ ​សេចក្តីលម្អិតនៃហេតុការណ៍​យោងតាមប្រភពព័ត៌មានបឋមបានឱ្យដឹងថា ហេតុការណ៍នេះបានកើតឡើងតាំងពីម៉ោងជាង ៦ ព្រឹកមកម្ល៉េះ។ កុមារីរងគ្រោះត្រូវបានជនមិនស្គាល់មុខ បើកមុងរួចបីយកចេញទៅបាត់ ធ្វើឱ្យមានការឆោឡោ និងបារម្ភយ៉ាងខ្លាំងពីសំណាក់ក្រុមគ្រួសារ និងសមត្ថកិច្ច។ ​ការរកឃើញកុមារីរងគ្រោះ​ក្រោយពីការបាត់ខ្លួនអស់រយៈពេលជិត ៣ ម៉ោង គឺនៅវេលាម៉ោងប្រមាណជា ៩ ព្រឹក ថ្ងៃដដែលនេះ បងប្អូនប្រជាពលរដ្ឋបានប្រទះឃើញក្មេងស្រីរូបនោះ នៅតាមបណ្ដោយផ្លូវជាតិលេខ ១។ ដោយមានការសង្ស័យ និងមើលឃើញពីភាពមិនប្រក្រតី អ្នកដែលបានប្រទះឃើញក៏បានរាយការណ៍ជាបន្ទាន់ទៅកាន់អាជ្ញាធរមានសមត្ថកិច្ច។​​បច្ចុប្បន្ន កុមារីរងគ្រោះត្រូវបានសមត្ថកិច្ចជួយសង្គ្រោះ និងនាំមកដល់ស្នាក់ការប៉ុស្តិ៍នគរបាលរដ្ឋបាលសង្កាត់និរោធហើយ ដើម្បីរង់ចាំសាច់ញាតិមកទទួលយកទៅផ្ទះវិញ ក៏ដូចជាបន្តនីតិវិធីសាកសួរស្វែងរកជនសង្ស័យដែលបាននាំក្មេងស្រីចេញមក។

​(បន្ទាយមានជ័យ)៖ ក្នុងស្មារតីយកចិត្តទុកដាក់ខ្ពស់លើសុខទុក្ខមន្ត្រីក្រោមឱវាទ នៅថ្ងៃទី១០ ខែកុម្ភៈ ឆ្នាំ២០២៦ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ តំណាងដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានចុះសួរសុខទុក្ខ និងនាំយកថវិកាឧបត្ថម្ភចំនួន ១,០០០,០០០ រៀល ជូនដល់ លោកអនុសេនីយ៍ត្រី គៀត ស៊ីម៉ាក់ នាយរងប៉ុស្តិ៍នគរបាលរដ្ឋបាលឃុំគោកកឋិន។ ​បច្ចុប្បន្ន លោកអនុសេនីយ៍ត្រី គៀត ស៊ីម៉ាក់ កំពុងសម្រាកព្យាបាលរបួសជើង (ដែលរងគ្រោះក្នុងសមរភូមិ) នៅគេហដ្ឋានក្នុងភូមិទ្រាស ឃុំគោកកឋិន ស្រុកថ្មពួក ក្រោយចេញពីមន្ទីរពេទ្យមិត្តភាពកម្ពុជា-ជប៉ុន មង្គលបូរី។ ​ក្នុងឱកាសនោះ លោកស្នងការខេត្ត បានពាំនាំនូវការផ្ដាំផ្ញើសួរសុខទុក្ខ និងក្តីនឹករលឹកពីសំណាក់ឯកឧត្តមអគ្គស្នងការនគរបាលជាតិ ព្រមទាំងបានជូនពរឱ្យរូបលោកឆាប់ជាសះស្បើយ ដើម្បីត្រលប់មកបន្តបេសកកម្មបម្រើជាតិ និងប្រជាពលរដ្ឋក្នុងអង្គភាពវិញ។ ​ជាការឆ្លើយតប លោកអនុសេនីយ៍ត្រី គៀត Read more

​ភ្នំពេញ៖ មានករណីបង្កឱ្យមានការភ្ញាក់ផ្អើល និងក្ដុកក្ដួលចិត្តបំផុតមួយ បានកើតឡើងនៅក្បែរ រង្វង់មូលតាព្រហ្ម តំបន់ជ្រោយចង្វារ កាលពីវេលាម៉ោងប្រហែល ៥:០០ ព្រឹក ទាបភ្លឺ ថ្ងៃទី០៩ ខែកុម្ភៈ ឆ្នាំ២០២៦។ ​តាមប្រភពព័ត៌មានបានឱ្យដឹងថា កុមារីរងគ្រោះ និងឪពុក គឺជាអ្នកដំណើរដែលបានសុំម្ចាស់ទីតាំងនៅក្បែររង្វង់មូលតាព្រហ្ម ដើម្បីសម្រាកស្នាក់នៅបណ្ដោះអាសន្ន ក្នុងគោលបំណងបន្តដំណើរទៅកាន់ខេត្តកំពង់ចាម។ ប៉ុន្តែជាអកុសល នៅវេលាម៉ោងកើតហេតុ ស្រាប់តែមានជនមិនស្គាល់មុខ បានធ្វើសកម្មភាព “លបបើកមុង” រួចលួចយកកុមារីទៅបាត់ស្រមោល ខណៈពេលដែលឪពុកកំពុងលង់លក់ក្នុងដំណេក។ ​ចំណាត់ការបច្ចុប្បន្ន៖​ ឪពុកក្មេងស្រីរងគ្រោះ រួមជាមួយម្ចាស់ទីតាំង បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលរួចរាល់ហើយ ដើម្បីសុំអន្តរាគមន៍ស្វែងរកជាបន្ទាន់។​ការអំពាវនាវ៖ សូមបងប្អូនប្រជាពលរដ្ឋដែលបានឃើញភិនភាគក្មេងស្រី ឬមានតម្រុយអំពីជនសង្ស័យដែលធ្វើសកម្មភាពនៅក្បែរតំបន់រង្វង់មូលតាព្រហ្ម ជ្រោយចង្វារ កាលពីព្រឹកមិញនេះ មេត្តាផ្តល់ព័ត៌មានទៅកាន់សមត្ថកិច្ចដែលនៅជិតបំផុត។

បាត់ដំបង÷នៅព្រឹកថ្ងៃទី១០ ខែកុម្ភៈ ឆ្នាំ២០២៦នេះ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីបើកការដ្ឋានជួសជុលពង្រីកតួថ្នល់លើកំណាត់ផ្លូវជាតិលេខ៥ដោយក្រាលកៅស៊ូDBST ប្រវែង២ ០០០ម៉ែត្រ ទទឹង១៧ម៉ែត្រ ចិញ្ចើមដីល្បាយថ្ម០,៥ម៉ែត្រសងខាង និងសំណង់សិល្បការ្យចាប់ពីគីឡូម៉ែត្រ២៩៩+៩៥០ដល់គីឡូម៉ែត្រ៣០១+៩៥០ និងស្ថាបនាប្រព័ន្ធលូបណ្ដោយផ្លូវដោយដាក់លូមូលមុខកាត់១ម៉ែត្រ និងអណ្ដូងលូ(រឺហ្គា)បេតុងសរសៃដែកទំហំ១,៦ម៉ែត្រចំនួន៦០កន្លែង ប្រវែងសរុប១ ៥០០ម៉ែត្រ ចាប់ពីគីឡូម៉ែត្រ២៩៨+៧០០ដល់គីឡូម៉ែត្រ៣០០+២០០ ខាងស្ដាំលើកំណាត់ផ្លូវជាតិលេខ៥ ស្ថិតក្នុងឃុំជ្រៃ ស្រុកថ្មគោល។ មានប្រសាសន៍ក្នុងពិធីបើកការដ្ឋាន ឯកឧត្តម សុខ លូ បានណែនាំមន្ទីរសាធារណការសហការជាមួយមន្ទីរដែនដីចុះវាស់វែងកំណត់ដីចំណីផ្លូវឱ្យបានច្បាស់លាស់សំដៅទប់ស្កាត់ការរំលោភដីចំណីផ្លូវដើម្បីដាំដើមឈើ រៀបចំផ្លូវថ្មើជើង ផ្លូវជិះកង់ និងបំពាក់ភ្លើងបំភ្លឺផ្លូវទៅថ្ងៃអនាគត។ ឯកឧត្តមអភិបាលខេត្តបានរំលេចពីការរំដោះដីចំណីផ្លូវ កាត់សំយាប និងរុះរើសំណង់ផ្សេងៗដែលសង់រំលោភដីចំណីផ្លូវសាធារណៈរបស់រដ្ឋនៅក្នុងក្រុងបាត់ដំបងដើម្បីបើកផ្លូវឱ្យបានធំទូលាយសម្រាប់ជាប្រយោជន៍កូនចៅជំនាន់ក្រោយ លើកកម្ពស់សោភ័ណភាពទីក្រុង និងកាត់បន្ថយការកកស្ទះចរាចរណ៍។ ឯកឧត្តមណែនាំដល់អាជ្ញាធរដែលកំពុងអនុវត្តន៍យុទ្ធនាការរំដោះដីចំណីផ្លូវគឺដាច់ខាតមិនត្រូវធ្វើឱ្យប៉ះពាល់ដល់ដីកម្មសិទ្ធិរបស់ប្រជាពលរដ្ឋនោះទេ ពោលគឺរំដោះយកតែដីចំណីផ្លូវសាធារណៈរបស់រដ្ឋតែប៉ុណ្ណោះ។

(កំពង់ធំ)៖ លោក ឃន ចាន់ថៃ ប្រធានអនុសាខាកាកបាទក្រហមកម្ពុជាស្រុកបារាយណ៍ ខេត្តកំពង់ធំ និងព្រះសង្ឃ រសៀលថ្ងៃទី០៩ ខែកុម្ភៈ ឆ្នាំ២០២៦ បានដឹកនាំក្រុមការងារនាំយកអំណោយចុះប្រគល់ជូនប្រជាពលរដ្ឋរងគ្រោះ​ដោយសារភ្លើងឆេះផ្ទះកាលពីយប់មិញចំនួន១គ្រួសារ នៅភូមិត្រស់ ឃុំបល្ល័ង្ក ស្រុកបារាយណ៍ ខេត្តកំពង់ធំ។ នាឱកាសនោះក្រៅពីការនាំយកអំណោយប្រគល់ជូនហើយនោះ លោកបានពាំនាំនូវការផ្តាំផ្ញើសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងលោក នួន ផារ័ត្ន ប្រធានគណៈកម្មាធិការកាកបាទក្រហមកម្ពុជាខេត្តកំពង់ធំ ដល់គ្រួសារដែលរងគ្រោះដោយភ្លើងឆេះផ្ទះនេះ។ លោកបានផ្ដាំផ្ញើដល់បងប្អូនទាំងអស់ពេលចេញដំណើរទៅណាមកណាត្រូវប្រុងប្រយ័ត្នពិនិត្យមើល ភ្លើងចង្ក្រាន ភ្លើងធូបទៀនឱ្យបានត្រឹមត្រូវ ដើម្បីការពារគ្រោះថ្នាក់ដែលកើតឡើងដោយយថាហេតុ។ សូមរក្សាសុខភាពឱ្យបានត្រឹមត្រូវ ព្រោះរដូវនេះជារដូវរងារធ្វើឱ្យប៉ះពាល់ដល់សុខភាព ហាត់ប្រាណឱ្យបានទៀងទាត់ និងរក្សាអនាម័យ ៣ប្រការគឺ(ហូបស្អាត ផឹកស្អាតនិងរស់នៅស្អាត)។ គួរបញ្ជាក់ថាម្ចាស់ផ្ទះឈ្មោះ ពេជ្រ ជានាម  ត្រូវបានភ្លើងឆេះម៉ោង ៨:៤៥ នាទី Read more