ករណីប្រើហិង្សារបស់គ្រូបង្រៀនម្នាក់នៅ វិទ្យាល័យព្រះម្លូសុវណ្ណរាជ កំពុងបង្កការភ្ញាក់ផ្អើល និងការរិះគន់យ៉ាងខ្លាំងពីសាធារណជនលើបណ្តាញសង្គម បន្ទាប់ពីសិស្សអាយុ ១៣ ឆ្នាំម្នាក់ ត្រូវបានគេរាយការណ៍ថា រងរបួសបាក់ជើងយ៉ាងធ្ងន់ធ្ងរ ដោយសារការដាក់ពិន័យពាក់ព័ន្ធនឹងវិន័យសម្លៀកបំពាក់។ តាមប្រភពព័ត៌មានពីបណ្តាញសង្គមបានឱ្យដឹងថា សិស្សរងគ្រោះមិនបានពាក់ស្បែកជើងប៉ាតាមកសាលារៀនតាមការកំណត់ ដោយសារស្ថានភាពគ្រួសារលំបាក ខណៈម្តាយនៅឆ្ងាយមិនទាន់អាចផ្ញើថវិកាឱ្យទិញបាន។ មូលហេតុនេះ បានធ្វើឱ្យគ្រូបង្រៀនដាក់ពិន័យសិស្សឱ្យឈរនៅក្រៅថ្នាក់រៀន។ ប្រភពដដែលបន្តថា ដោយសារការឈររង់ចាំយូរពេក បណ្តាលឱ្យមានការឈឺចុកចាប់ជើង សិស្សរងគ្រោះបានទៅអង្គុយសម្រាកនៅលើបង់ (តុអង្គុយលេង) នៅខាងក្រៅថ្នាក់។ នៅពេលគ្រូបង្រៀនដើរមកឃើញ ជំនួសឱ្យការសាកសួរ ឬណែនាំ ត្រូវបានចោទប្រកាន់ថា គ្រូរូបនោះបានប្រើហិង្សាដោយការទាត់មួយទំហឹងទៅលើសិស្ស។ ការប្រើហិង្សានេះ បណ្តាលឱ្យសិស្សរងគ្រោះស្ទើរតែសន្លប់នៅនឹងកន្លែង ហើយបន្ទាប់ពីបានយកទៅពិនិត្យព្យាបាល គ្រូពេទ្យបានបញ្ជាក់ថា សិស្សរូបនេះបានរងរបួស បាក់ជើងយ៉ាងធ្ងន់ធ្ងរ និងមានផលប៉ះពាល់ផ្លូវស្មារតីផងដែរ។ ករណីខាងលើ ត្រូវបានមហាជនចាត់ទុកថា ជា អំពើអមនុស្សធម៌ និងរំលោភយ៉ាងធ្ងន់ធ្ងរលើក្រមសីលធម៌វិជ្ជាជីវៈគ្រូបង្រៀន ជាពិសេសការប្រើហិង្សាលើកុមារដែលកំពុងស្ថិតក្នុងវ័យសិក្សា។ Read more

បាត់ដំបង÷ស្រុកសំឡូត, ថ្ងៃទី១៦ ខែកុម្ភៈ ឆ្នាំ២០២៦ ទោះបីជាស្ថិតក្នុងបរិយាកាសនៃពិធីបុណ្យចូលឆ្នាំប្រពៃណីចិន និងវៀតណាមយ៉ាងណាក្តី ក៏ស្មារតីនៃការពង្រឹងសន្តិសុខ និងការផ្តល់សេវាជូនប្រជាពលរដ្ឋរបស់កងកម្លាំងនគរបាលស្រុកសំឡូត នៅតែបន្តដំណើរការយ៉ាងសកម្ម និងប្រកបដោយការទទួលខុសត្រូវខ្ពស់បំផុត។​១. បន្តផ្តល់សេវាអត្តសញ្ញាណកម្មយ៉ាងសកម្ម​ក្រោមការចង្អុលបង្ហាញ និងដឹកនាំផ្ទាល់ពី លោកវរសេនីយ៍ទោ ម៉ែន រីម អធិការនគរបាលស្រុកសំឡូត កម្លាំងផ្នែកអត្តសញ្ញាណប័ណ្ណ សហការជាមួយកម្លាំងប៉ុស្តិ៍នគរបាលរដ្ឋបាលកំពង់ល្ពៅ និងប៉ុស្ដិ៍នគរបាលរដ្ឋបាលតសតោក បានបន្តបំពេញបែបបទផ្តល់អត្តសញ្ញាណប័ណ្ណសញ្ជាតិខ្មែរជូនដល់សិស្សានុសិស្ស និងផ្តល់ទុតិយតា (ការធ្វើថ្មីជំនួសប័ណ្ណដែលអស់សុពលភាព ឬបាត់) ជូនដល់ប្រជាពលរដ្ឋជាប្រចាំ។ សកម្មភាពនេះបានបង្ហាញយ៉ាងច្បាស់ពីការយកចិត្តទុកដាក់លើសិទ្ធិ និងតម្រូវការចាំបាច់របស់ពលរដ្ឋ ដោយមិនបង្អង់យូរ។​២. ការពារសន្តិសុខ ២៤/២៤ ម៉ោង ដើម្បីក្តីសុខរបស់ពលរដ្ឋ​មិនត្រឹមតែការងាររដ្ឋបាលប៉ុណ្ណោះទេ ផ្នែកសន្តិសុខក៏ត្រូវបានរឹតបន្តឹងយ៉ាងខ្លាំងក្លាផងដែរ៖​កម្លាំងត្រៀមអន្តរាគមន៍៖ ត្រៀមលក្ខណៈរួចរាល់ ២៤ម៉ោងលើ២៤ម៉ោង ដើម្បីឆ្លើយតបចំពោះសភាពការណ៍បន្ទាន់នានា។​ការល្បាតតាមគោលដៅ៖ កម្លាំងនគរបាលបាននិងកំពុងចុះល្បាតតាមគោលដៅសំខាន់ៗក្នុងភូមិសាស្ត្រស្រុក ដើម្បីធានាសណ្តាប់ធ្នាប់សាធារណៈ និងបង្ការរាល់បទល្មើសផ្សេងៗ ក្នុងបំណងឱ្យប្រជាពលរដ្ឋទូទាំងស្រុកសប្បាយរីករាយក្នុងឱកាសបុណ្យទានដោយក្តីសុវត្ថិភាព។​៣. ការដឹកនាំ Read more

បន្ទាយមានជ័យ៖ អនុវត្តតាមបទបញ្ជាផ្ទាល់ពី លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅយប់ថ្ងៃទី១៦ ខែកុម្ភៈ ឆ្នាំ២០២៦ នេះ លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានដឹកនាំកម្លាំងមន្ត្រីជំនាញ ចុះល្បាតដោយផ្ទាល់ក្នុងភូមិសាស្ត្រក្រុង ដើម្បីការពារសុវត្ថិភាព និងសណ្តាប់ធ្នាប់ជូនប្រជាពលរដ្ឋ ក្នុងឱកាសអបអរសាទរបុណ្យចូលឆ្នាំប្រពៃណីចិន-វៀតណាម។​នៅក្នុងសកម្មភាពចុះពង្រឹងសន្តិសុខនាពេលរាត្រីនេះ លោកវរសេនីយ៍ទោ ព្រហ្ម ពិសិដ្ឋ បានគូសបញ្ជាក់ និងអំពាវនាវដល់បងប្អូនប្រជាពលរដ្ឋនូវចំណុចសំខាន់ៗដូចខាងក្រោម៖​ការគោរពច្បាប់ និងបទបញ្ជា៖ ក្នុងថ្ងៃដំបូងនៃពិធីបុណ្យនេះ មិនមានសកម្មភាពបាញ់កាំជ្រួច បង្កប់ផាវ ឬគ្រឿងផ្ទុះឡើយ។ លោកអធិការបានដាស់តឿនឱ្យពលរដ្ឋបន្តចូលរួមគោរពតាមការណែនាំរបស់រាជរដ្ឋាភិបាលឱ្យបានខ្ជាប់ខ្ជួនបំផុត។​ការបង្ការហេតុការណ៍មិនប្រក្រតី៖ ក្រៅពីការដើរកម្សាន្តដោយភាពសប្បាយរីករាយ សូមបងប្អូនប្រុងប្រយ័ត្នចំពោះបញ្ហាអគ្គិភ័យ និងសុវត្ថិភាពផ្ទាល់ខ្លួន។​កិច្ចសហការជាមួយសមត្ថកិច្ច៖ ប្រសិនបើមានហេតុការណ៍អសន្តិសុខ ក្មេងទំនើងបង្កជម្លោះ ឬបញ្ហាបន្ទាន់ណាមួយក្នុងមូលដ្ឋាន សូមបងប្អូនប្រញាប់រាយការណ៍មកកាន់លេខទូរស័ព្ទតាន់ហេតុការណ៍របស់អធិការដ្ឋាននគរបាលក្រុងប៉ោយប៉ែត៖ ០៩៧ ៧៧៨ ០១៦៤។​សកម្មភាពចុះល្បាតនេះ Read more

​បន្ទាយមានជ័យ៖ អនុវត្តតាមការយកចិត្តទុកដាក់ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី១៥ ខែកុម្ភៈ ឆ្នាំ២០២៦ លោកឧត្ដមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ រួមជាមួយលោកស្នងការរង និងសហការី បានចុះសួរសុខទុក្ខ និងនាំយកអំណោយដ៏ថ្លៃថ្លារបស់ឯកឧត្តមអគ្គស្នងការ ប្រគល់ជូនកងកម្លាំងដែលកំពុងឈរជើងការពារបូរណភាពទឹកដី។​កងកម្លាំងដែលទទួលបានការឧបត្ថម្ភនាឱកាសនោះ រួមមានកងកម្លាំងមកពីស្នងការដ្ឋាននគរបាលខេត្តព្រៃវែង ខេត្តមណ្ឌលគិរី និងខេត្តក្រចេះ ដែលកំពុងបំពេញបេសកកម្មជួរមុខក្នុងភូមិសាស្ត្រខេត្តបន្ទាយមានជ័យ ជាប់ព្រំដែនកម្ពុជា-ថៃ។​សម្ភារ និងថវិកាដែលបានឧបត្ថម្ភរួមមាន៖​តាមរយៈលោកឧត្ដមសេនីយ៍ទោ សិទ្ធិ ឡោះ អំណោយដែលបានចែកជូនរួមមាន៖​អង្ករ៖ ៤៥០ គីឡូក្រាម​មីជាតិ៖ ៣០ កេស​ទឹកបរិសុទ្ធកម្ពុជា៖ ៣០ យួរ​ត្រីខកំប៉ុង៖ ៣ កេសធំ​ទឹកក្រូចអាយ (Iced)： ១៥ កេស​នំ ៩០០៖ Read more

ខេត្តប៉ៃលិន៖ នាព្រឹកថ្ងៃទី១៣ ខែកុម្ភៈ ឆ្នាំ២០២៦ ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី២១ អាណត្តិទី៤ របស់ខ្លួន ស្ថិតក្រោមអធិបតីភាព ឯកឧត្តម ជាចាន់ឌិន ប្រធានក្រុមប្រឹក្សាខេត្ត និង លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីសំណាក់ឯកឧត្តម លោកជំទាវសមាជិកក្រុម ប្រឹក្សាខេត្ត, គណៈអភិបាលខេត្ត នាយក នាយករងរដ្ឋបាលខេត្ត នាយកទីចាត់ការ លោក-លោកស្រី ប្រធានមន្ទីរអង្គភាព ស្ថាប័នជុំវិញខេត្ត និងអាជ្ញាធរក្រុង-ស្រុក ជាច្រើននាក់ផងដែរ។ ក្នុងកិច្ចប្រជុំនេះមានរបៀបវារៈដូចជា ៖ ១.ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី ២០ របស់ក្រុមប្រឹក្សាខេត្តប៉ៃលិន អាណត្តិទី៤, ២.ពិនិត្យ និងអនុម័តសេចក្តីព្រាងរបាយការណ៍ ស្តីពីការអនុវត្តការងារ Read more

ខេត្តប៉ៃលិន៖ ថ្ងៃទី១៤ ខែកុម្ភៈ ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត ប៉ៃលិន និង ក្រុមការងារ បានអញ្ជើញចុះសំណេះសំណាលសួរសុខទុក្ខ និងស្តាប់នូវរាល់សំណូមពរនានា របស់អាជីវករ ដែល លក់ដូរ នៅក្នុង ផ្សារសាមគ្គី ហៅផ្សារប៉ាហ៊ី ស្ថិតនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន។ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍លើកឡើងថា៖ អាជ្ញាធរ និងមន្ត្រីជំនាញ គ្រប់ ជាន់ថ្នាក់ គឺមានតួនាទីដោះស្រាយរាល់សុខទុក្ខ និងសំណូមពររបស់ប្រជាពលរដ្ឋ ទាំងនៅតំបន់ទីផ្សារ និងនៅទីជន បទ ក្នុង គោល Read more