បន្ទាយមានជ័យ៖ អនុវត្តតាមការយកចិត្តទុកដាក់ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី១៥ ខែកុម្ភៈ ឆ្នាំ២០២៦ លោកឧត្ដមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ រួមជាមួយលោកស្នងការរង និងសហការី បានចុះសួរសុខទុក្ខ និងនាំយកអំណោយដ៏ថ្លៃថ្លារបស់ឯកឧត្តមអគ្គស្នងការ ប្រគល់ជូនកងកម្លាំងដែលកំពុងឈរជើងការពារបូរណភាពទឹកដី។
កងកម្លាំងដែលទទួលបានការឧបត្ថម្ភនាឱកាសនោះ រួមមានកងកម្លាំងមកពីស្នងការដ្ឋាននគរបាលខេត្តព្រៃវែង ខេត្តមណ្ឌលគិរី និងខេត្តក្រចេះ ដែលកំពុងបំពេញបេសកកម្មជួរមុខក្នុងភូមិសាស្ត្រខេត្តបន្ទាយមានជ័យ ជាប់ព្រំដែនកម្ពុជា-ថៃ។
សម្ភារ និងថវិកាដែលបានឧបត្ថម្ភរួមមាន៖
តាមរយៈលោកឧត្ដមសេនីយ៍ទោ សិទ្ធិ ឡោះ អំណោយដែលបានចែកជូនរួមមាន៖
អង្ករ៖ ៤៥០ គីឡូក្រាម
មីជាតិ៖ ៣០ កេស
ទឹកបរិសុទ្ធកម្ពុជា៖ ៣០ យួរ
ត្រីខកំប៉ុង៖ ៣ កេសធំ
ទឹកក្រូចអាយ (Iced)： ១៥ កេស
នំ ៩០០៖ ៦ ធុង
សៀង៖ ៣ ធុង
ទឹកត្រី និងទឹកស៊ីអ៊ីវ៖ យ៉ាងละ ៣០ យួរ
អំបុក៖ ៣ កេស
ថវិកា៖ ២,៤០០,០០០ រៀល (ពីរលានសែសិបម៉ឺនរៀល)
ក្នុងឱកាសនោះ លោកឧត្ដមសេនីយ៍ទោ សិទ្ធិ ឡោះ បានពាំនាំនូវប្រសាសន៍សួរសុខទុក្ខ និងការកោតសរសើរពីសំណាក់ ឯកឧត្តម នាយឧត្តមសេនីយ៍ ស ថេត ជូនចំពោះកងកម្លាំងទាំងអស់ដែលបានលះបង់កម្លាំងកាយចិត្ត ឈរជើងការពារសន្តិសុខតាមបន្ទាត់ព្រំដែន។ លោកស្នងការក៏បានផ្ដាំផ្ញើឱ្យកងកម្លាំងទាំងអស់ បន្តយកចិត្តទុកដាក់ និងប្រុងប្រយ័ត្នខ្ពស់ក្នុងការបំពេញភារកិច្ចជូនជាតិមាតុភូមិ។
ជាការឆ្លើយតប តំណាងកងកម្លាំងជួរមុខទាំងអស់ បានសម្ដែងនូវការដឹងគុណយ៉ាងជ្រាលជ្រៅចំពោះ ឯកឧត្តម អគ្គស្នងការនគរបាលជាតិ ដែលជានិច្ចកាលតែងតែគិតគូរពីសុខទុក្ខ និងជីវភាពរបស់បងប្អូនកងកម្លាំងនៅតាមសមរភូមិមុខ។ កងកម្លាំងទាំងអស់បានប្ដេជ្ញាចិត្តខ្ពស់ក្នុងពង្រឹងកិច្ចការពារបូរណភាពទឹកដី និងបានគោរពជូនពរឯកឧត្តម នាយឧត្តមសេនីយ៍ ព្រមទាំងថ្នាក់ដឹកនាំគ្រប់លំដាប់ថ្នាក់ សូមជួបតែពុទ្ធពរទាំងបួនប្រការកុំបីឃ្លៀងឃ្លាតឡើយ៕
