ខេត្តមណ្ឌលគិរី÷ជនសង្ស័យចំនួន ០៩នាក់ ត្រូវបានកម្លាំងសមត្ថកិច្ចជំនាញចាប់ឃាត់ខ្លួនជាបន្តបន្ទាប់ នៅក្នុងប្រតិបត្តិការបង្ក្រាបករណីជួញដូរ រក្សាទុក និងប្រើប្រាស់នូវសារធាតុញៀនដោយខុសច្បាប់ នៅក្នុងភូមិសាស្ត្រស្រុកកែវសីមា។
យោងតាមប្រភពពីសមត្ថកិច្ចបានឱ្យដឹងថា ប្រតិបត្តិការនេះបានធ្វើឡើងកាលពីថ្ងៃទី១៤ ខែកក្កដា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ ស ថេតអគ្គស្នងការនគរបាលជាតិ និងមានបទបញ្ជាផ្ទាល់ពី លោកឧត្តមសេនីយ៍ត្រី ជា ចិត្រា ស្នងការនគរបាលខេត្តមណ្ឌលគិរី ក្នុងការបង្ការ និងបង្ក្រាបបទល្មើសគ្រឿងញៀនទូទាំងខេត្ត។
នៅក្នុងកិច្ចប្រតិបត្តិការដ៏មានប្រសិទ្ធភាពនេះ ដឹកនាំដោយកម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលស្រុកកែវសីមា និងកម្លាំងប៉ុស្តិ៍នគរបាលរដ្ឋបាលចុងផ្លាស់ ព្រមទាំងមានការសម្របសម្រួលនីតិវិធីពី
ឯកឧត្តមជាវ ងីឈាន់ ព្រះរាជអាជ្ញាអមសាលាដំបូងខេត្តមណ្ឌលគិរី និងមានការចូលរួមពីអាជ្ញាធរមូលដ្ឋានផងដែរ។ អអត្តសញ្ញាណជនសង្ស័យទាំង៩នាក់
១. ឈ្មោះ យ៉េង សុខឃា ភេទប្រុស អាយុ ៣៥ឆ្នាំ ជនជាតិខ្មែរ មុខរបរកសិករ (មានស្រុកកំណើតនៅខេត្តក្រចេះ បច្ចុប្បន្នស្នាក់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
២. ឈ្មោះ ម៉ន ម៉ង់ ភេទប្រុស អាយុ ៣១ឆ្នាំ ជនជាតិខ្មែរ មុខរបរកសិករ (រស់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
៣. ឈ្មោះ យ៉េង សុខគ្រី ភេទប្រុស អាយុ ២៣ឆ្នាំ ជនជាតិខ្មែរ មុខរបរកសិករ (រស់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
៤. ឈ្មោះ ខៀវ ប៊ុនថុន ភេទប្រុស អាយុ ៤២ឆ្នាំ ជនជាតិខ្មែរ មុខរបរកសិករ (មានស្រុកកំណើតនៅខេត្តក្រចេះ បច្ចុប្បន្នស្នាក់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
៥. ឈ្មោះសូ សូណូ ភេទប្រុស អាយុ ១៧ឆ្នាំ ជនជាតិខ្មែរ មុខរបរកសិករ (រស់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
៦. ឈ្មោះ ធី ជី វ: ភេទប្រុស អាយុ ៣០ឆ្នាំ ជនជាតិខ្មែរ មុខរបរកសិករ (មានស្រុកកំណើតនៅស្រុកកែវសីមា បច្ចុប្បន្នស្នាក់នៅភូមិពូទុង ឃុំចុងផ្លាស់) លទ្ធផលតេស្តទឹកម៉ូត្រ៖ វិជ្ជមាន(+)។
៧. ឈ្មោះ ហឿន ហេង ភេទប្រុស អាយុ ១៧ឆ្នាំ ជនជាតិខ្មែរ មុខរបរកសិករ (មានស្រុកកំណើតនៅស្រុកកោះញែក បច្ចុប្បន្នស្នាក់នៅភូមិពូទុង ឃុំចុងផ្លាស់) លទ្ធផលតេស្តទឹកម៉ូត្រ៖ វិជ្ជមាន(+)។
៨. ឈ្មោះ ជិន សីហា ភេទប្រុស អាយុ ១៨ឆ្នាំ ជនជាតិខ្មែរ មុខរបរកសិករ (រស់នៅភូមិពូទុង ឃុំចុងផ្លាស់ ស្រុកកែវសីមា) លទ្ធផលតេស្តទឹកម៉ូត្រ៖ វិជ្ជមាន(+)។
៩. ឈ្មោះ ជៀវ វែង ចិត្រ ភេទប្រុស ជនជាតិខ្មែរ (រស់នៅភូមិពូទុង ឃុំចុងផ្លាស់ ស្រុកកែវសីមា)។ វត្ថុតាងដើរសមត្ថកិច្ចចាប់ដករហូតបាន÷
គ្រឿងញៀន ប្រភេទមេតំហ្វេតាមីន (ម៉ាទឹកកក) ចំនួន ១១កញ្ចប់តូច ទម្ងន់ ៣.៧ក្រាម (គិតទាំងសំបកវេចខ្ចប់)
កាំភ្លើងកែច្នៃប្រើហ្គាស់ ចំនួន ០២ដើម និងកាំបិត ចំនួន ០២ដើម
ម៉ូតូ ០១គ្រឿង (ម៉ាក Honda Future ពណ៌កណ្ដុរប្រមេះ)
ទូរស័ព្ទដៃ ចំនួន ០៣គ្រឿង (ម៉ាក POVA ពណ៌ខ្មៅ ១គ្រឿង, OPPO ពណ៌ខៀវ ១គ្រឿង និង iPhone 13 ពណ៌ខៀវ ១គ្រឿង)
ថង់សម្រាប់វេចខ្ចប់ និងឧបករណ៍កែច្នៃសម្រាប់ជក់គ្រឿងញៀនមួយចំនួន។
បច្ចុប្បន្ន ជនសង្ស័យទាំង ០៩នាក់ រួមជាមួយវត្ថុតាងខាងលើ ត្រូវបានកម្លាំងជំនាញនៃអធិការដ្ឋាននគរបាលស្រុកកែវសីមា កំពុងរៀបចំកសាងសំណុំរឿងតាមនីតិវិធី ដើម្បីបញ្ជូនទៅកាន់សាលាដំបូងខេត្តមណ្ឌលគិរី ចាត់ការទៅតាមផ្លូវច្បាប់ជាធរមាន៕សម្រួលអត្ថបទ÷ដោយលោក មុតចិត្រា ហៅ ប្រម៉ាញ់ជ័យដែន
