បាត់ដំបង÷ កាលពីព្រឹកថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ វេលាម៉ោង ០៩:០០នាទី នាសាលប្រជុំអធិការដ្ឋាននគរបាលស្រុកបាណន់ បានរៀបចំកិច្ចប្រជុំដ៏មានសារៈសំខាន់មួយ ដើម្បីបូកសរុបលទ្ធផលការងារប្រចាំខែមិថុនា និងលើកទិសដៅអនុវត្តបន្តសម្រាប់ខែកក្កដា ឆ្នាំ២០២៦ ព្រមទាំងប្រកាសតែងតាំងមុខតំណែងមន្ត្រីកងកម្លាំង។
កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកវរសេនីយ៍ឯក ប៉ូវ វណ្ណឌី ស្នងការរងទទួលដឹកនាំស្រុកបាណន់ ដោយមានការចូលរួមសហការពី លោកវរសេនីយ៍ ទោ ហេង បារាំង អធិការនៃអធិការដ្ឋាននគរបាលស្រុកបាណន់។ សមាសភាពចូលរួមក្នុងឱកាសនោះ រួមមាន លោក-លោកស្រីអធិការរង, នាយ-នាយរងផ្នែក, នាយ-នាយរងប៉ុស្តិ៍, មន្ត្រីកងកម្លាំងចំណុះអធិការដ្ឋានស្រុកបាណន់ ព្រមទាំងកងកម្លាំងជាសិក្ខាកាមចុះកម្មសិក្សា សរុបចំនួន ៦០នាក់ (ស្រី ០៧នាក់)។ អង្គប្រជុំបានឆ្លងកាត់ការពិភាក្សា និងវាយតម្លៃយ៉ាងល្អិតល្អន់លើលទ្ធផលការងារសន្តិសុខ សណ្តាប់ធ្នាប់សង្គម ដែលសម្រេចបានក្នុងខែមិថុនា ព្រមទាំងដាក់ចេញនូវទិសដៅយុទ្ធសាស្ត្រច្បាស់លាស់សម្រាប់ខែកក្កដា ដើម្បីពង្រឹងសុវត្ថិភាពជូនប្រជាពលរដ្ឋក្នុងមូលដ្ឋានឱ្យកាន់តែមានប្រសិទ្ធភាពខ្ពស់។ពិធីប្រកាសតែងតាំងមុខតំណែងថ្មី÷ក្នុងឱកាសដ៏ទ្បោឡារិកនោះដែរ លោកប្រធានអធិបតីក៏បានអានសេចក្តីសម្រេច ព្រមទាំងប្រគល់ត្រាមូលតែងតាំងមុខតំណែងជូនលោកអនុសេនីយ៍ទោ ឈឿ ចាន់ ណារិទ្ធ ជានាយប៉ុស្តិ៍នគរបាលរដ្ឋបាលភ្នំសំពៅ ជាផ្លូវការ។
ការតែងតាំង និងប្រគល់ភារកិច្ចថ្មីនេះ គឺជាការឆ្លុះបញ្ចាំងពីការយកចិត្តទុកដាក់របស់ថ្នាក់ដឹកនាំ ក្នុងការលើកកម្ពស់សមត្ថភាពជួរជួរថ្នាក់ដឹកនាំមូលដ្ឋាន ដើម្បីធានាបាននូវកិច្ចកិច្ចការពារសន្តិសុខ និងបម្រើសេវាសាធារណៈជូនប្រជាពលរដ្ឋនៅឃុំភ្នំសំពៅ ឱ្យកាន់តែល្អប្រសើរឡើងទ្វេដង៕សម្រួលអត្ថបទ÷ដោយលោក មុត ចិត្រា ហៅប្រម៉ាញ់ជាយដែន
