ខេត្តកណ្ដាល÷ក្រោមការដឹកនាំ និងបញ្ជាផ្ទាល់ពីថ្នាក់ដឹកនាំក្រុង អាជ្ញាធរក្រុងតាខ្មៅបានបង្ហាញពីជំហរនិងវិធានការក្តៅ ដោយបានចុះផ្អាកការសាងសង់ និងបង្ខំឱ្យរុះរើសំណង់រឹងមាំចំនួន ៣ទីតាំងខុសៗគ្នា។ សំណង់ទាំងនោះត្រូវបានរកឃើញថា បានសាងសង់ឡើងដោយគ្មានលិខិតអនុញ្ញាតច្បាប់ត្រឹមត្រូវ និងបានរំលោភបំពានយ៉ាងបំពានលើដីចំណីទន្លេបាសាក់ ដែលជាសម្បត្តិសាធារណៈរបស់រដ្ឋ ក្រោយពីទទួលបានសេចក្ដីរាយការណ៍យ៉ាងទាន់ហន់ ពីប្រជាពលរដ្ឋម្ចាស់ស្រុក។
លោក ឃឹម សំភារ អភិបាលនៃគណៈអភិបាលក្រុងតាខ្មៅ បានមានប្រសាសន៍ថ្លែងនៅថ្ងៃទី១៨ ខែមិថុនា ឆ្នាំ២០២៦ នេះថា រដ្ឋបាលក្រុងសូមសម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះបងប្អូនប្រជាពលរដ្ឋ ដែលមានស្មារតីស្រឡាញ់ជាតិ រួមគ្នាការពារសម្បត្តិរដ្ឋ ដោយបានចូលរួមរាយការណ៍ និងសហការយ៉ាងជិតស្និទ្ធជាមួយអាជ្ញាធរមានសមត្ថកិច្ច ក្នុងការទប់ស្កាត់សកម្មភាពសាងសង់ខុសច្បាប់ និងការរំលោភយកទ្រព្យសម្បត្តិសាធារណៈរបស់រដ្ឋ។
យោងតាមរបាយការណ៍ស៊ើបអង្កេតរបស់សមត្ថកិច្ច ទីតាំងសំណង់ដែលត្រូវបានចាត់វិធានការក្ដៅរួមមាន៖
ទីតាំងទី១. ស្ថិតនៅភូមិស្វាយពងអង្ក្រង សង្កាត់កោះអន្លង់ចិន (សំណង់ជារបស់បុគ្គលឈ្មោះ គីម)។
ទីតាំងទី២. ស្ថិតនៅភូមិព្រែកត្រែង សង្កាត់សិត្បូ (សំណង់ជារបស់បុគ្គលឈ្មោះ គង់សុវណ្ណ)។
ទីតាំងទី៣. ស្ថិតនៅភូមិកោះគរ សង្កាត់រការខ្ពស់ (សំណង់ជារបស់បុគ្គលឈ្មោះ ឈុនម៉ៅ)។
វិធានការចំពោះមុខអាជ្ញាធរបានបញ្ជាឲ្យផ្អាកសាងសង់ជាបន្ទាន់និងតម្រូវ ឱ្យម្ចាស់សំណង់រុះរើសំណង់ដែលបានសាងសង់រំលោភចេញវិញទាំងស្រុង ដើម្បីស្ដារដីចំណីទន្លេជាសម្បត្តិសាធារណៈរបស់រដ្ឋឱ្យវិលត្រឡប់មកសភាពដើមវិញ ដោយគ្មានការលើកលែងឡើយ។ កការអំពាវនាវពីលោកអភិបាលក្រុង ដើម្បីជៀសវាងការខាតបង់ថវិកា និងប្រឈមមុខចំពោះមុខច្បាប់ លោកអភិបាលក្រុងតាខ្មៅ ក៏បានអំពាវនាវដល់ប្រជាពលរដ្ឋ ក៏ដូចជាម្ចាស់គម្រោងទាំងអស់ ដែលមានបំណងចង់សាងសង់ទប់ច្រាំងទន្លេ ឬអភិវឌ្ឍន៍លើដីជាប់មាត់ទន្លេ ត្រូវតែធ្វើការស្នើសុំការអនុញ្ញាតច្បាប់ពីអាជ្ញាធរមានសមត្ថកិច្ចឱ្យបានត្រឹមត្រូវជាមុនសិន។
ការកោរសរសើរហ្នឹងគាំទ្រពីមហាជនគួររំលឹកផងដែរថា បច្ចុប្បន្ន រដ្ឋបាលក្រុងតាខ្មៅ សហការជាមួយរដ្ឋបាលខេត្តកណ្ដាល កំពុងតែបន្តយុទ្ធនាការយ៉ាងសកម្មក្នុងការរំដោះចិញ្ចើមផ្លូវ ដីចំណីទន្លេ បឹង អូរ និងស្ទឹង ដែលត្រូវបានរំលោភកាន់កាប់ខុសច្បាប់អស់រយៈពេលជាច្រើនឆ្នាំកន្លងមក ដើម្បីរៀបចំសណ្ដាប់ធ្នាប់ទីក្រុងឱ្យមានសោភ័ណភាព ធានាបរិស្ថានស្អាត និងរក្សាទុកទ្រព្យសម្បត្តិសាធារណៈសម្រាប់ផលប្រយោជន៍រួមរបស់ប្រជាពលរដ្ឋ។
ទង្វើអនុវត្តច្បាប់ដោយតម្លាភាព គ្មានការយោគយល់ និងមិនរើសមុខរបស់អាជ្ញាធរក្រុងតាខ្មៅនាពេលនេះ ទទួលបានការពេញចិត្ត និងការបោះឆ្នោតគាំទ្រយ៉ាងខ្លាំងក្លាពីសំណាក់មហាជនទូទៅ។ ប្រជាពលរដ្ឋបានលើកសរសើរថា នេះជាគំរូដឹកនាំដ៏ល្អ ដែលសបញ្ជាក់ឱ្យឃើញពីការប្ដេជ្ញាចិត្តខ្ពស់ក្នុងការការពារផលប្រយោជន៍រួម និងសង្ឃឹមថាអាជ្ញាធរនឹងបន្តយុទ្ធនាការត្រួតពិនិត្យ បោសសម្អាតសំណង់ខុសច្បាប់បែបនេះឱ្យកាន់តែខ្លាំងក្លាបន្ថែមទៀត ដើម្បីប្រែក្លាយក្រុងតាខ្មៅឱ្យក្លាយជាទីក្រុងគំរូ ស្អាត និងមានសណ្ដាប់ធ្នាប់ល្អកម្រិតខ្ពស់៕អត្ថបទ ដោយលោក មុត ចិត្រា ហៅ ប្រម៉ាញ់ជាយដែន
