ខេត្តតាកែវ÷ ក្រោមការបញ្ជាផ្ទាល់ ពី លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួល នីតិវិធីឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ កម្លាំងជំនាញបានបើកប្រតិបត្តិការបង្ក្រាបករណីគ្រឿងញៀនយ៉ាងក្ដៅគគុក រហូតឈានដល់ការឃាត់ខ្លួនក្រុមជនសង្ស័យចំនួន ៥នាក់ និងដកហូតបានវត្ថុតាងគ្រឿងញៀនយ៉ាងច្រើនសន្ធឹកសន្ធាប់។
កិច្ចប្រតិបាលការបង្ក្រាបដ៏ម៉ឺងម៉ាត់កិច្ចប្រតិបត្តិការដ៏ជោគជ័យនេះ បានប្រព្រឹត្តទៅជាពីរដំណាក់កាលធំៗ៖
ដំណាក់កាលទី១.នៅវេលាម៉ោង ២១:៥៥ នាទី យប់ថ្ងៃទី១១ ខែឧសភា ឆ្នាំ២០២៦ កម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយអាវុធហត្ថស្រុកព្រៃកប្បាស ដឹកនាំដោយ លោកអនុសេនីយ៍ឯក ជួនតូរ:ត: បានចុះបង្ក្រាបជាក់ស្ដែងនៅចំណុចភូមិផ្សារជ្រែ ឃុំអង្គាញ់ ស្រុកព្រៃកប្បាស ខេត្តតាកែវ។
ដំណាក់កាលទី ២ ពន្លាតដែនសមត្ថកិច្ច
ដោយមានស្មារតីទទួលខុសត្រូវខ្ពស់ និងការស្រាវជ្រាវយ៉ាងហ្មត់ចត់ នៅព្រឹកថ្ងៃទី១២ ខែឧសភា ឆ្នាំ២០២៦ សមត្ថកិច្ចបានបន្តពន្លាតដែនដីទៅដល់ខេត្តកណ្តាល ដោយសហការជាមួយអាវុធហត្ថក្រុងសំពៅពូន និងសម្របសម្រួលដោយ
ឯកឧត្តម គុជ គឹមឡុង ព្រះរាជអាជ្ញាអមសាលាដំបូងខេត្តកណ្តាល បង្ក្រាបបានមុខសញ្ញាបន្ថែមនៅចំណុចចំការស្វាយ ក្នុងសង្កាត់សំពៅពូន។
អត្តសញ្ញាណជនសង្ស័យនិងវត្ថុតាងដែលដកហូតបាន÷
ជនសង្ស័យទាំង ៥នាក់ ដែលត្រូវបានឃាត់ខ្លួន រួមមាន៖
១.ស៊ាង លី វណ្ណា អាយុ ៣៣ឆ្នាំ (ខេត្តតាកែវ)
២. ធី ទីន អាយុ ២២ឆ្នាំ (ខេត្តព្រៃវែង)
៣. គង់ សុជាតិ ហៅកាក់ អាយុ ២៩ឆ្នាំ (ខេត្តព្រៃវែង)
៤. ភី សុភាព( ហៅរី) អាយុ ៣៨ឆ្នាំ (ខេត្តបាត់ដំបង)
៥. ស ចាន់ អាយុ ២៥ឆ្នាំ (ខេត្តសៀមរាប)
វត្ថុតាងដែលចាប់យកបានរួមមាន÷
ម្សៅក្រាមពណ៌សថ្លា (គ្រឿងញៀន) ចំនួន ១៣កញ្ចប់ ស្មើនឹង ៣៤៣.៨៩ ក្រាម
ជញ្ជីងថ្លឹងថ្នាំញៀន ១គ្រឿង, ដាវដែក ២ដើម, ទូរស័ព្ទ ៨គ្រឿង, ម៉ូតូ ២គ្រឿង ព្រមទាំងឧបករណ៍វេចខ្ចប់មួយចំនួនធំ។
កការកោតសរសើរនិងចំណាត់ការបន្
ជោគជ័យនៃប្រតិបត្តិការនេះ បានបង្ហាញឱ្យឃើញពីការប្ដេជ្ញាចិត្តយ៉ាងមុតមាំរបស់កងរាជអាវុធហត្ថខេត្តតាកែវ ក្នុងការលុបបំបាត់បទល្មើសគ្រឿងញៀន ដើម្បីសុខសុវត្ថិភាពជូនប្រជាពលរដ្ឋ។ ភាពវៃឆ្លាតក្នុងការបន្តស្វែងរកឫសគល់រហូតដល់ឈានដល់ការឆ្លងដែនដីខេត្ត បង្ហាញពីសមត្ថភាព និងវិជ្ជាជីវៈខ្ពស់របស់កម្លាំងអាវុធហត្ថយើង។
បច្ចុប្បន្ន ជនសង្ស័យ និងវត្ថុតាងទាំងអស់ ត្រូវបានការិយាល័យជំនាញរៀបចំកសាងសំណុំរឿង ដើម្បីបញ្ជូនទៅសាលាដំបូងខេត្តតាកែវ ចាត់ការតាមនីតិវិធីច្បាប់ជាធរមាន៕ សម្រួលអត្ថបទ ដោយ លោកមុត ចិត្រា ប្រម៉ាញ់ជាយដែន
