ខេត្តតាកែវ÷នារសៀលថ្ងៃសុក្រ ១០រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែមីនា ឆ្នាំ២០២៦នេះ អធិការដ្ឋាននគរបាលស្រុកបាទី បានរៀបចំពិធីប្រកាសផ្ទេរភារកិច្ច និងតែងតាំងមុខតំណែងអធិការថ្មី ក្រោមអធិបតីភាពដ៏ខ្ពង់ខ្ពស់របស់ លោក ឧត្តមសេនីយ៍ទោ ម៉ែនលី ស្នងការនៃស្នងការដ្ឋាននគរបាលខេត្តតាកែវ និង លោក ភូន ឈឹម អភិបាលនៃគណៈអភិបាលស្រុកបាទី។
យោងតាមសេចក្តីប្រកាស ភារកិច្ចថ្មីត្រូវបានប្រគល់ជូន លោក វរសេនីយ៍ ទោ មូល សារ៉ាត់ ដែលអតីតជាអធិការរងនៃអធិការដ្ឋាននគរបាលស្រុកអង្គរបូរី ឥឡូវត្រូវបានតែងតាំងជា អធិការនៃអធិការដ្ឋាននគរបាលស្រុកបាទី។
ពិធីដ៏មានអត្ថន័យនេះ ក៏មានការអញ្ជើញចូលរួមពីសំណាក់៖
លោកឧត្តមសេនីយ៍ និងវរសេនីយ៍ជាស្នងការរងទាំង ១២ផែន។
លោក-លោកស្រីអភិបាលរងក្រុង-ស្រុកពាក់ព័ន្ធ។
លោកនាយការិយាល័យជំនាញទាំង ៣៣ ចំណុះស្នងការដ្ឋាននគរបាលខេត្ត។
លោកអធិការនគរបាលក្រុង-ស្រុកទាំង ០៩ និងលោក-លោកស្រីអធិការរងទទួលផែនជំនាញ។
លោកមេបញ្ជាការកងរាជអាវុធហត្ថស្រុក និងលោកមេបញ្ជាការតំបន់ប្រតិបត្តិការសឹករងស្រុកបាទី ព្រមទាំងមន្ត្រីពាក់ព័ន្ធជាច្រើនរូបទៀត។
ការផ្ទេរភារកិច្ច និងតែងតាំងមុខតំណែងនាពេលនេះ គឺជាការលើកទឹកចិត្តដល់មន្ត្រីដែលមានស្នាដៃ និងដើម្បីពង្រឹងប្រសិទ្ធភាពការងារសន្តិសុខ សណ្តាប់ធ្នាប់សាធារណៈ ក្នុងភូមិសាស្ត្រស្រុកបាទី ឱ្យកាន់តែរឹងមាំបន្ថែមទៀត ស្របតាមគោលនយោបាយភូមិ-ឃុំមានសុវត្ថិភាព។ ដោយ មុត ចិត្រា ប្រម៉ាញ់ជាយដែន
