បន្ទាយមានជ័យ៖ ថ្ងៃទី ២០ ខែវិច្ឆិកា ឆ្នាំ២០២៥នេះ លោកជំទាវ អ្នកឧកញ៉ា ហេង វ៉េងហ៊ាង បានផ្តល់អំណោយ ម៉ូតូម៉ាក (HONDA Wave) ចំនួន១០គ្រឿង ជូនដល់អង្គភាពកងទ័ពជួរមុខទិសទី១បន្ទាយមានជ័យ ចំណុះឲ្យយោធភូមិភាគទី៥ សម្រាប់បម្រើកិច្ចការងារប្រចាំថ្ងៃ ក្នុងការបំពេញភារកិច្ចការពារបូរណភាពទឹកដី និងប្រជាជនកម្ពុជា ។
ក្នុងឱកាសនោះផងដែរ លោកឧត្តមសេនីយ៍ទោ សេង ធារិន មេបញ្ជាការរង និង ជានាយសេនាធិការយុទ្ធភូមិភាគទី ៥ លោក ឧត្តមសេនីយ៍ត្រី ជឹមប៊ុនអាន មេបញ្ជាការ តំបន់ប្រតិបត្តិការខេត្តបន្ទាយមានជ័យលោកមេបញ្ជាការរង នាយទាហាន នាយទាហានរង និងពលទហាន នៃកម្លាំងជួរមុខទិសទី១បន្ទាយមានជ័យ សូមថ្លែងអំណរគុណ យ៉ាងជ្រាលជ្រៅ នូវការយកចិត្តទុក្ខដាក់ និងលើកទឹកចិត្ត ដល់កងទ័ពជួរមុខ ក្នុងន័យសមរភូមិក្រោយគាំទ្រសមរភូមិមុខ របស់លោកជំទាវ អ្នកឧកញ៉ា ហេង វ៉េងហ៊ាង និងស្វាមី ព្រមទាំងបុត្រាបុត្រី សូមមានសុខភាពល្អ បវរសួស្តី ទទួលបានជ័យជំនះគ្រប់ភារកិច្ច និងជួបប្រទះតែនឹងពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
