បន្ទាយមានជ័យ÷នៅយប់ថ្ងៃទី ៨ ខែ តុលា ឆ្នាំ ២០២៥ កម្លាំងយោធាកងពលតូចថ្មើរជើងលេខ ៥១ សហការជាមួយកម្លាំង កងរាជអាវុធហត្ថខេត្តបន្ទាយមានជ័យ ដឹកនាំបញ្ជា ផ្តាល់ ដោយលោកឧត្ដមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគ៥ ដឹកនាំកម្លាំងបានឃាត់ខ្លួន មន្ត្រីនគរបាលនៃវរៈការពារព្រំដែនគោកលេខ៨៩១ខេត្តបន្ទាយមានជ័យ ចំនួន ៦នាក់ ពាក់ព័ន្ធបទល្មើសនាំមនុស្សឆ្លងដែនខុសច្បាប់ នៅចំណុច ប៉ុស្តិ៍ការពារព្រំដែនគោកអូរល្ហុង ។ មន្រ្តីនគរបាលដែលត្រូវ ឃាត់ខ្លួនរួមមាន ៖
១-លោកវរសេនីយ៍ត្រី សុខ សំអុល (ហៅតុង )តួនាទី មេបញ្ជាការរង វរ:សេនាតូចការពារព្រំដែន៨៩១ ស្នងការដ្ឋាននគរបាលខេត្តបន្ទាយមានជ័យ ។
២- លោកវរៈសេនីយ៍ត្រី ព្រឹម ដែន ភេទតួនាទី មេបញ្ជាការរង វរ:សេនាតូចការពារព្រំដែន៨៩១
៣- លោកវរៈសេនីយ៍ត្រី ព្រំ ផូរ( ហៅ ងិក ) តួនាទី មេប៉ូស្តិ៍នគរបាលការពារព្រំដែនគោក អូរល្ហុង
៤- លោកពលបាលត្រី ព្រឹម ឌុន តួនាទី មន្ត្រី
៥- លោកពលបាលត្រី កាក់ សេងទ្រី តួនាទី
៦- លោកអនុសេនីយ៍ទោ ភុំ ចំរើន តួនាទីមន្ត្រី
៧- ឈ្មោះ ងុិក មិថុនា តួនាទី ចុងភៅ (មិនពាក់ព័ន្ធនិងបទល្មើសនោះទេ ) ។
បន្ទាប់ពីឃាត់ខ្លួនរួចហើយ មន្ត្រីនគរបាលទាំងនោះ ត្រូវបានកម្លាំងយោធាកងពលតូចថ្មើរជើងលេខ៥១ប្រគល់ជូនទៅសមត្ថកិច្ចកងរាជអាវុធហត្ថខេត្តបន្ទាយមានជ័យ ដេីម្បីចាត់ការបន្ត ។ មន្ត្រីពាក់ព័ន្ធបទល្មើសមានចំនួន ៦នាក់ ដោយឡែកចុងភៅគ្មានការពាក់ព័ន្ធទេ ។ មន្ត្រីជំនាញកងរាជអាវុធហត្ថខេត្តបន្ទាយមានជ័យ កំពុងធ្វើការសាកសួរនិងកសាងសំណុំរឿងដេីម្បីបញ្ជូនទៅតុលាការខេត្តបន្ទាយមានជ័យដើម្បីចាត់ការបន្តតាមនីតិវិធីច្បាប់។
