ខេត្តប៉ៃលិន÷ឆ្លើយតបយ៉ាងទាន់ចិត្តចំពោះទុក្ខលំបាករបស់ប្រជាពលរដ្ឋ នៅព្រឹកថ្ងៃទី២១ ខែមេសា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានដឹកនាំក្រុមការងារចុះសួរសុខទុក្ខ និងនាំយកអំណោយសង្គ្រោះបន្ទាន់ទៅចែកជូនគ្រួសាររងគ្រោះដោយសារខ្យល់កន្ត្រាក់ចំនួន ៨៧ គ្រួសារស្ថិតក្នុងឃុំស្ទឹងត្រង់ ស្រុកសាលាក្រៅ។សសកម្មភាពសង្គ្រោះនិងការសួរសុខទុក្ក្នុងឱកាសនោះ លោកជំទាវអភិបាលខេត្ត បាននាំមកនូវប្រសាសន៍ផ្ដាំផ្ញើសួរសុខទុក្ខប្រកបដោយមនោសញ្ចេតនាជ្រាលជ្រៅពីសំណាក់ សម្ដេចកតិ្តព្រឹទ្ធ បណ្ឌិត ប៊ុន រ៉ាន់នីហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែគិតគូរពីសុខទុក្ខរបស់ប្រជាពលរដ្ឋគ្រប់រូប ដោយមិនប្រកាន់វណ្ណៈ ពណ៌សម្បុរ ឬនិន្នាការនយោបាយឡើយ។
យោងតាមរបាយការណ៍ គ្រោះធម្មជាតិភ្លៀងលាយឡំខ្យល់កន្ត្រាក់កាលពីរសៀលថ្ងៃទី២០ ខែមេសា បានបង្កឱ្យមានការខូចខាតដូចជា៖ រលំទាំងស្រុង÷១២ខ្នង (ស្មើនឹង ១២គ្រួសារ) របើកដំបូល÷៧៥ខ្នង (ស្មើនឹង ៧៥គ្រួសារ) ផលប៉ះពាល់ មិនមានគ្រោះថ្នាក់ដល់អាយុជីវិតមនុស្ស និងសត្វពាហនៈឡើយ។
កការអំពាវនាវនិងការលើកទឹកចិត លោកជំទាវបណ្ឌិត បាន ស្រីមុំ បានមានប្រសាសន៍លើកទឹកចិត្តដល់បងប្អូនប្រជាពលរដ្ឋឱ្យរក្សាស្មារតីរឹងមាំ និងបង្កើនការប្រុងប្រយ័ត្នចំពោះបាតុភូតធម្មជាតិដែលរមែងកើតមានឡើងជាយថាហេតុ។ លោកជំទាវបានបញ្ជាក់ថា៖សូមបងប្អូនរាយការណ៍មកអាជ្ញាធរ
មមូលដ្ឋានឲ្យបានឆាប់រហ័សបំផុតប្រសិនបើមានបញ្ហាកើតឡើងដើម្បីឲ្យក្រុមការងារអាចចុះជួយអន្តរាគមន៍បានទាន់ពេលវេលា។ សម្ភារៈសង្គ្រោះដែលបានផ្ដល់ជូន ដើម្បីជួយសម្រាលការលំបាកចំពោះមុខ គ្រួសាររងគ្រោះនីមួយៗទទួលបាន៖
ស្បៀងអាហារ÷ អង្ករ ៥០គីឡូក្រាម, ទឹកត្រី, ទឹកស៊ីអ៊ីវ, ត្រីខ និងទឹកសុទ្ធ។
សម្ភារៈប្រើប្រាស់÷ តង់កៅស៊ូ ២ផ្ទាំង, ឃីត ១កញ្ចប់ (មុង ភួយ កន្ទេល), ឆ្នាំង, ចាន និងសម្ភារផ្ទះបាយមួយចំនួនធំ។ ថវិកាឧបត្ថម្ភ ៥០ម៉ឺនរៀល ក្នុងមួយគ្រួសារ។
មុននឹងបញ្ចប់ លោកជំទាវក៏បានរំលឹកដល់ពលរដ្ឋឱ្យយកចិត្តទុកដាក់ថែទាំសុខភាព និងខិតខំប្រកបមុខរបរដើម្បីស្តារសេដ្ឋកិច្ចគ្រួសារឡើងវិញផងដែរ៕ ដោយ លោក សសារឿន
