បាត់ដំបង÷នៅព្រឹកថ្ងៃសុក្រ ១២កើត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៣០ ខែមករា ឆ្នាំ២០២៦ វេលាម៉ោង ០៨ និង៤០នាទី លោកវរសេនីយ៍ទោ ផុង សារិន អធិការរងទទួលផែនសេនាធិការតំណាងលោកវរសេនីយ៍ឯក សុខ សារិន អធិការនគរបាលស្រុកបវេល ដឹកនាំលោកអធិការរងជំនួយការដឹកនាំផ្នែកសេនាធិការ លោកអធិការរងជំនួយដឹកនាំផ្នែកអត្តសញ្ញាណកម្ម និងលោកនាយផ្នែកកិច្ចការប៉ុស្តិ៍ ដោយមានការចូលរួមលោកនាយប៉ុស្តិ៍ នាយរងប៉ុស្តិ៍ និងមន្ត្រីនគរបាលប៉ុស្តិ៍អំពិលប្រាំដើម ចុះសួរសុខទុក្ខ លោកអនុសេនីយ៍ឯក ឌុល មករា នាយរងប៉ុស្តិ៍នគរបាលរដ្ឋបាលអំពិលប្រាំដើម ដែលបានជួបឧប្បត្តិហេតុគ្រោះថ្នាក់ចរាចរណ៍កាលពីថ្ងៃទី១៧ ខែមករា ឆ្នាំ២០២៦ ឥឡូវកំពុងសម្រាកព្យាបាលនៅផ្ទះរបស់លោកនៅភូមិបួរុន ឃុំអំពិលប្រាំដើម ស្រុកបវេល ខេត្តបាត់ដំបង។
ក្នុងការចុះសួរសុខទុក្ខនោះដែរ លោកអធិការរងបាននាំយកសម្ភារៈ និងថវិកាមូលនិធិកងកម្លាំងនគរបាលស្រុកមួយចំនួន ជូនដល់លោកអនុសេនីយ៍ឯក ផងដែរ៕
